ಜನವರಿ 17ರಂದು ಸಂಜೆ ನಾನು ಕೆಲಸ ಮುಗಿಸಿ ಬಂದಾಗ ನನ್ನ ಡ್ರೈವರ್ ನನಗೆ ಕರೆ ಮಾಡಿ ಎನ್ ಆರ್ಎಸ್ ಹಾಸ್ಟೆಲ್ ನಲ್ಲಿ ವಿದ್ಯಾರ್ಥಿಯೊಬ್ಬ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ಹೇಳಿದ್ದನು. ಕೆಲವೇ ಕ್ಷಣದಲ್ಲಿ ನಾನು ಹಾಸ್ಟೆಲ್ಗೆ ತೆರಳಿದ್ದು, ಅಲ್ಲಿ ಹೋದಾಗ ರೋಹಿತ್ ಮೃತದೇಹವನ್ನು ಬೆಡ್ನಲ್ಲಿ ಮಲಗಿಸಲಾಗಿತ್ತು. ನಾನು ಆತನ ಹೃದಯ ಬಡಿತ, ನಾಡಿ ಬಡಿತ ಎಲ್ಲವನ್ನೂ ಪರೀಕ್ಷಿಸಿ ಆತನ ಸಾವನ್ನು ದೃಢಪಡಿಸಿದ್ದೆ. ಈ ಬಗ್ಗೆ ನಾನು ಉಪಕುಲಪತಿಯವರಿಗೂ ತಿಳಿಸಿದ್ದೆ. ವಿವಿಯ ಹೆಲ್ತ್ ಬುಕ್ ನಲ್ಲಿಯೂ ಈ ವಿಷಯವನ್ನು ದಾಖಲಿಸಿದ್ದೇನೆ ಎಂದು ರಾಜಶ್ರೀ ಅವರು ಹೇಳಿದ್ದಾರೆ.