104ರ ಅಜ್ಜ ಫೌಜಾ ಸಿಂಗ್ ಮುಂಬೈ ಮ್ಯಾರಥಾನ್​ನಲ್ಲಿ ಓಟ

ಮುಂಬೈ: ಮುಂಬೈನಲ್ಲಿ ಆಯೋಜಿಸಲಾಗಿದ್ದ ಮ್ಯಾರಥಾನ್​ನಲ್ಲಿ 104ರ ಅಜ್ಜ ಫೌಜಾ ಸಿಂಗ್ ಪಾಲ್ಗೊಂಡು ನವೋಲ್ಲಾಸದಿಂದ ಓಡಿದರು.

‘ಟರ್ಬೆನ್ಡ್ ಟಾರ್ನೆಡೋ’ ಎಂದೇ ಖ್ಯಾತರಾಗಿರುವ ಫೌಜಾ ಸಿಂಗ್ ಲಂಡನ್​ನಲ್ಲಿ ನೆಲೆಸಿದ್ದು, ಭಾನುವಾರ ಮುಂಬೈನಲ್ಲಿ ಆಯೋಜಿಸಲಾಗಿದ್ದ ಮ್ಯಾರಥಾನ್​ನಲ್ಲಿ ಪಾಲ್ಗೊಂಡು, ಸ್ಪರ್ಧಿಗಳಿಗೆ ಸ್ಪೂರ್ತಿ ತುಂಬಿದರು. ಇವರು ಮ್ಯಾರಥಾನ್​ನಲ್ಲಿ ಪಾಲ್ಗೊಳ್ಳುತ್ತಿರುವ ಅತಿ ಹಿರಿಯ ಸ್ಪರ್ಧಿ ಎಂಬ ಗೌರವಕ್ಕೂ ಪಾತ್ರರಾದರು.

2ನೇ ಬಾರಿ ಮುಂಬೈ ಮ್ಯಾರಥಾನ್​ನಲ್ಲಿ ಪಾಲ್ಗೊಂಡಿರುವುದು ನನಗೆ ಸಂತಸ ತಂದಿದೆ. ಮ್ಯಾರಥಾನ್ ಆಯೋಜನೆ ಮಾಡಿದವರಿಗೆ ನನ್ನ ಧನ್ಯವಾದಗಳು. ನಾನು ವಿಶ್ವದೆಲ್ಲೆಡೆ ಮ್ಯಾರಥಾನ್​ನಲ್ಲಿ ಓಡಿ ಪ್ರಶಸ್ತಿ ಪಡೆದಿದ್ದೇನೆ. ಭಾರತದಲ್ಲಿ ಸಹೃದಯರ ಹೃದಯವನ್ನು ಗೆಲ್ಲಲು ಬಂದಿದ್ದೇನೆ ಎಂದು ಫೌಜಾ ಸಿಂಗ್ ತಮ್ಮ ಸಂತಸವನ್ನು ಹಂಚಿಕೊಂಡಿದ್ದಾರೆ.