ಹೊಟ್ಟೆ ನೋವಿನಿಂದ ಟಿವಿ ನಿರೂಪಕಿ ನಿರೋಶಾ ಸಾವು: ಆಕೆಯ ತಂದೆಯ ಹೇಳಿಕೆ

ಹೈದರಾಬಾದ್: ಹೊಟ್ಟೆನೋವು ತಾಳಲಾರದೆ ತೆಲುಗು ಚಾನೆಲ್ ವೊಂದರ ನಿರೂಪಕಿ ನಿರೋಶಾ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಅವಳ ತಂದೆ ರಾಧಾಕೃಷ್ಣ ಹೇಳಿದ್ದಾರೆ.

ಆಕೆಯ ಅಂತಿಮ ಶವಸಂಸ್ಕಾರ ವಿಧಿಗಳನ್ನು ಹುಟ್ಟೂರಾದ ಆಂಧ್ರಪ್ರದೇಶದ ಚಿತ್ತೂರು ಜಿಲ್ಲೆಯ ಮಲ್ಲೇಶ್ವರಪುರಂ ಗ್ರಾಮದಲ್ಲಿ ಕುಟುಂಬ ಸದಸ್ಯರು ನೆರವೇರಿಸಿದರು.

ನಿರೋಶಾ ದೀರ್ಘ ಸಮಯದಿಂದ ಹೊಟ್ಟೆ ನೋವಿನ ಸಮಸ್ಯೆಯಿಂದ ಬಳಲುತ್ತಿದ್ದಳು. ಅನೇಕ ವೈದ್ಯರನ್ನು ಸಂಪರ್ಕಿಸಿದರೂ ಸೂಕ್ತ ಚಿಕಿತ್ಸೆ ಸಿಕ್ಕಿರಲಿಲ್ಲ ಎಂದು ರಾಧಾಕೃಷ್ಣ ಹೇಳಿದ್ದಾರೆ.

ತೆಲುಗು ಮ್ಯೂಸಿಕ್ ಚಾನೆಲ್ ವೊಂದರ ನಿರೂಪಕಿಯಾಗಿದ್ದ ನಿರೋಶಾ ಇನ್ನು ಕೆಲವೇ ತಿಂಗಳಲ್ಲಿ ಅನಿವಾಸಿ ಭಾರತೀಯನನ್ನು ಮದುವೆಯಾಗುವವಳಿದ್ದಳು. ಆದರೆ ಮೂರು ದಿನಗಳ ಹಿಂದಷ್ಟೇ ಹೈದರಾಬಾದಿನ ತನ್ನ ಹಾಸ್ಟೆಲ್ ರೂಮಿನಲ್ಲಿ ಫ್ಯಾನಿಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಳು.