ಹೋಳಿ: ದೆಹಲಿಯಲ್ಲಿ ಕುಡಿದು ವಾಹನ ಚಾಲನೆ ಮಾಡಿದ 558 ಪ್ರಕರಣ ದಾಖಲು

ದೆಹಲಿ: ಹೋಳಿ ಹಬ್ಬದ ದಿನದಂದು ದೆಹಲಿಯಲ್ಲಿ ಕುಡಿದು ಚಾಲನೆ ಮಾಡಿದ 558 ಪ್ರಕರಣಗಳು ದಾಖಲಾಗಿವೆ. ಮಾ.23 ರ ತಡರಾತ್ರಿ ವರೆಗೂ  558 ಪ್ರಕರಣಗಳನ್ನು ದಾಖಲಿಸಿದ್ದೇವೆ, ಈ ಪೈಕಿ ದಕ್ಷಿಣ ದೆಹಲಿಯಲ್ಲಿ ಅತಿ ಹೆಚ್ಚು(264 ) ಪ್ರಕರಣಗಳು ದಾಖಲಾಗಿವೆ ಎಂದು ದೆಹಲಿಯ ವಿಶೇಷ ಪೊಲೀಸ್ ಆಯುಕ್ತ ಮುಖೇಶ್ ಚಂದ್ರ ಹೇಳಿದ್ದಾರೆ.

ಹೋಳಿ ದಿನದಂದು ಪರಿಸ್ಥಿತಿಯನ್ನು ನಿಯಂತ್ರಿಸಲು ಹಾಗೂ ಅವಘಡಗಳನ್ನು ತಪ್ಪಿಸಲು ದೆಹಲಿಯಲ್ಲಿ ಪೊಲೀಸರ 400  ತಂಡಗಳನ್ನು ನಿಯೋಜಿಸಲಾಗಿದೆ ಎಂದು ಮುಖೇಶ್ ಚಂದ್ರ ತಿಳಿಸಿದ್ದಾರೆ.