ಜೈಪುರ: ಈಶಾನ್ಯ ಭಾರತದ ಹಲವು ರಾಜ್ಯಗಳಲ್ಲಿ ತಾಪಮಾನ ತೀವ್ರ ಏರಿಕೆಯಾಗುತ್ತಿದ್ದು, ಗುರುವಾರ ರಾಜಸ್ಥಾನದ ಫ‌ಲೋಡಿಯಲ್ಲಿ 51 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ದಾಖಲಾಗುವ ಮೂಲಕ ದೇಶದಲ್ಲೇ ಸಾರ್ವಕಾಲಿಕ ದಾಖಲೆ ಬರೆದಿದೆ.
ಈ ಹಿಂದೆ 1886ರಲ್ಲಿ 50.6 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿತ್ತು. ಇದು ದೇಶದ ಇದುವರೆಗಿನ ಅತ್ಯಧಿಕ ಉಷ್ಣತೆಯಾಗಿತ್ತು. ಆದರೆ ಗುರುವಾರ ಫ‌ಲೋಡಿ ಉಷ್ಣತೆ ಅದನ್ನು ಮೀರಿಸಿದೆ.
ಗುಜರಾತ್‌ ನ ಅಹಮದಾಬಾದ್‌ ನಗರದಲ್ಲೂ ಉಷ್ಣತೆ 48 ಡಿಗ್ರಿ ದಾಖಲಾಗಿದೆ. ಇದು 100 ವರ್ಷಗಳಲ್ಲೇ ಹೆಚ್ಚು. ಇನ್ನು ರಾಜಧಾನಿ ದೆಹಲಿ 43 ಡಿಗ್ರಿ ಉಷ್ಣಾಂಶ ದಾಖಲಿಸಿದೆ.
