ನವದೆಹಲಿ: ಸಂಸತ್ತಿನ ಚಳಿಗಾಲ ಅಧಿವೇಶನದ ಎರಡನೇ ದಿನದ ಇಂದಿನ ಕಲಾಪದಲ್ಲಿ ಸದಸ್ಯರು ಸೇರುತ್ತಿದ್ದಂತೆ ನೋಟು ನಿಷೇಧದ ಚರ್ಚೆಯೇ ಪ್ರಸ್ತಾಪಗೊಂಡಿತು.ಕಾಂಗ್ರೆಸ್, ಸಿಪಿಎಂ, ಬಿಎಸ್ಪಿ, ಜೆಡಿಯು, ತೃಣಮೂಲ ಕಾಂಗ್ರೆಸ್ ಸೇರಿದಂತೆ ವಿರೋಧ ಪಕ್ಷಗಳ ಸದಸ್ಯರು ಮೋದಿ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡರು. 500 ಮತ್ತು 1000 ನೋಟುಗಳನ್ನು ನಿಷೇಧಿಸಿದ ವಿಷಯಕ್ಕೆ ಸಂಬಂಧಪಟ್ಟಂತೆ ಕಾಂಗ್ರೆಸ್ ಮತ್ತು ತೃಣಮೂಲ ಕಾಂಗ್ರೆಸ್ ಪಕ್ಷಗಳು ಲೋಕಸಭೆಯಲ್ಲಿ 21 ನಿಲುವಳಿ ನೊಟೀಸ್ ಗಳನ್ನು ಸಲ್ಲಿಸಿ ನಿಲುವಳಿ ಮಂಡನೆಗೆ ಒತ್ತಾಯಿಸಿದವು.