ಇದೇ ವೇಳೆ ಪ್ರಧಾನಿಗೆ ಶಿವಸೇನೆ ಸಂಸದರು ಎರಡು ಪುಟಗಳ ಪತ್ರವನ್ನು ತಲುಪಿಸಿದ್ದು, ಪತ್ರದಲ್ಲಿ ಜನಸಾಮಾನ್ಯರು ಎದುರಿಸುತ್ತಿರುವ ಸಂಕಷ್ಟವನ್ನು ವಿವರಿಸಲಾಗಿದ್ದು, ನೋಟು ನಿಷೇಧ, ಬದಲಾವಣೆಗೆ ಸಂಬಂಧಿಸಿದಂತೆ ಕೇಂದ್ರ ಸರ್ಕಾರ ಹೊರಡಿಸಿರುವ ನಿಯಮಾವಳಿಗಳ ಪ್ರಕಾರ ಸಹಕಾರಿ ಬ್ಯಾಂಕ್ ಹಾಗೂ ಸಾಲ ಸಂಸ್ಥೆಗಳು ನೋಟು ಬದಲಾವಣೆ ಮಾಡಿಕೊಡುವಂತಿಲ್ಲ. ರಾಷ್ಟ್ರೀಯ ಬ್ಯಾಂಕ್ ಗಳಲ್ಲಿ ಖಾತೆ ಹೊಂದಿಲ್ಲದೇ ಇಲ್ಲದವರು ಇದರಿಂದ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಈ ಹಿನ್ನೆಲೆಯಲ್ಲಿ ಸಹಕಾರಿ ಬ್ಯಾಂಕ್ ಗಳನ್ನು ಸಹ ನೋಟು ನಿಷೇಧ ಅಭಿಯಾನದಲ್ಲಿ ತೊಡಗಿಸಿಕೊಳ್ಳಬೇಕೆಂದು ಶಿವಸೇನೆ ನಾಯಕರು ಪ್ರಧಾನಿಗೆ ಸಲಹೆ ನೀಡಿದ್ದಾರೆ.
