ನವದೆಹಲಿ: ಮಹತ್ವದ ಬೆಳವಣಿಗೆಯೊಂದರಲ್ಲಿ, ಕೇಂದ್ರ ತನಿಖಾ ದಳ 208 ದಶಲಕ್ಷ ಅಮೆರಿಕನ್ ಡಾಲರ್ ಮೊತ್ತದ ಎಂಬ್ರೇಯರ್ ಯುದ್ಧ ವಿಮಾನ ಒಪ್ಪಂದಕ್ಕೆ ಸಂಬಂಧಪಟ್ಟಂತೆ ಎಫ್ ಐಆರ್ ದಾಖಲಿಸಿದೆ. ಅಲ್ಲದೆ ತನಿಖಾ ಸಂಸ್ಥೆ, ರಕ್ಷಣಾ ಸಲಹೆಗಾರ ಅನಿವಾಸಿ ಭಾರತೀಯ ವಿಪಿನ್ ಖನ್ನಾ ಅವರನ್ನು ಪ್ರಮುಖ ಆರೋಪಿ ಎಂದು ಹೆಸರು ಸೂಚಿಸಿದೆ.ಇಂಗ್ಲಿಷ್ ದೈನಿಕವೊಂದಕ್ಕೆ ಸಿಕ್ಕಿದ ಮಾಹಿತಿ ಪ್ರಕಾರ, ಸಿಂಗಾಪೂರ್ ಮೂಲದ ಕಂಪೆನಿಯಾದ ಇಂಟರ್ ದೇವ್ ಪ್ರೈಲಿ ನಿಂದ ಖನ್ನಾ ಅವರಿಗೆ ಭಾರೀ ಮೊತ್ತ ಸಂದಾಯವಾಗಿದೆ ಎಂದು ಹೇಳಲಾಗುತ್ತಿದೆ.
