ಭಾರತ ಚೀನಾ ನಡುವೆ 3,488 ಕಿಮಿ ವ್ಯಾಪ್ತಿ ವರೆಗಿನ ಗಡಿ ವಿವಾದ ಇದ್ದು, ಅರುಣಾಚಲ ಪ್ರದೇಶವನ್ನು ಚೀನಾ ದಕ್ಷಿಣ ಟಿಬೆಟ್ ಎಂದು ಪ್ರತಿಪಾದನೆ ಮಾಡುತ್ತಿದ್ದರೆ, ಭಾರತ 1962 ರ ಯುದ್ಧದಲ್ಲಿ ಚೀನಾ ಅಕ್ರಮವಾಗಿ ಆಕ್ರಮಿಸಿಕೊಂಡ ಅಕ್ಸಾಯ್ ಚಿನ್ ಸಹ ಗಡಿ ವಿವಾದದ ಭಾಗ ಎಂದು ಹೇಳುತ್ತಿದೆ. ಗಡಿ ವಿವಾದವನ್ನು ಬಗೆಹರಿಸಲು ಭಾರತ-ಚೀನಾ ಈ ವರೆಗೂ ವಿಶೇಷ ಪ್ರತಿನಿಧಿಗಳ 19 ಸುತ್ತಿನ ಸಭೆಯನ್ನು ನಡೆಸಿವೆ. ಆದರೆ ಈಗ ಅರುಣಾಚಲ ಪ್ರದೇಶಕ್ಕೆ ದಲೈ ಲಾಮ ಭೇಟೀ ನೀಡಿದ್ದ ಬೆನ್ನಲ್ಲೇ ಅರುಣಾಚಲ ಪ್ರದೇಶದ 6 ಪ್ರದೇಶಗಳಿಗೆ ಚೀನಾ ಹೆಸರನ್ನು ಘೋಷಿಸುವ ತೀವ್ರತರವಾದ ನಿರ್ಧಾರ ಕೈಗೊಂಡಿದೆ. ಚೀನಾದ ಈ ನಡೆ ಬಗ್ಗೆ ಭಾರತ ಸರ್ಕಾರ ಇನ್ನಷ್ಟೇ ಪ್ರತಿಕ್ರಿಯೆ ನೀಡಬೇಕಿದೆ.