ರೈಲು ಟಿಕೆಟ್ ಬುಕಿಂಗ್ ವ್ಯವಸ್ಥೆ ಅಸ್ಥಿರಗೊಳಿಸಿ ಟ್ರಾವೆಲ್ ಏಜೆಂಟ್ ಗಳಿಗೆ ನೆರವು: ಸಿಬಿಐ ಟೆಕ್ಕಿ ಬಂಧನ!

ನವದೆಹಲಿ: ರೈಲ್ವೆ ವೆಬ್ ಸೈಟ್ ಗಳಲ್ಲಿ ತತ್ಕಾಲ್ ವಿಭಾಗದ ಟಿಕೆಟ್ ನ್ನು ಕಾಯ್ದಿರಿಸಲು ಪ್ರಯಾಣಿಕರು ಹೆಣಗುತ್ತಿದ್ದರೆ ಟ್ರಾವೆಲ್ ಏಜೆಂಟ್ ಗಳು ಮಾತ್ರ ಅನಾಯಾಸವಾಗಿ ಟಿಕೆಟ್ ಬುಕ್ ಮಾಡುವಲ್ಲಿ ಯಶಸ್ವಿಯಾಗುತ್ತಿದ್ದರು, ಇದು ಹೇಗೆ ಎಂಬ ಪ್ರಶ್ನೆಗೆ ಸೀಗ ಸುಳಿವು ಸಿಕ್ಕಿದ್ದು, ಸಿಬಿಐ ನಲ್ಲಿ ಸಾಫ್ಟ್ ವೇರ್ ಪ್ರೋಗ್ರಾಮರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದ ಟೆಕ್ಕಿ ರೈಲು ಟಿಕೆಟ್ ಬುಕಿಂಗ್ ವ್ಯವಸ್ಥೆಯನ್ನು ಅಸ್ಥಿರಗೊಳಿಸುವ ಅಕ್ರಮ ಸಾಫ್ಟ್ ವೇರ್ ಕಂಡುಕೊಂಡಿದ್ದ ಎಂದು ತಿಳಿದುಬಂದಿದೆ. 

ಕೇವಲ ಒಂದು ಕ್ಲಿಕ್ ನಲ್ಲಿಯೇ ಏಜೆಂಟ್ ಗಳು ನೂರಾರು ತತ್ಕಾಲ್ ಟಿಕೆಟ್ ನ್ನು ಬುಕ್ ಮಾಡುವುದಕ್ಕೆ ಈ ಅಕ್ರಮ ಸಾಫ್ಟ್ ವೇರ್ ನಿಂದ ಸಹಾಯವಾಗುತ್ತಿತ್ತು ಎಂದು ಅಧಿಕಾರಿಗಳು ಹೇಳಿದ್ದಾರೆ. ಅಜಯ್ ಗರ್ಗ್ ಬಂಧಿತ ಟೆಕ್ಕಿಯಾಗಿದ್ದು, ಅಕ್ರಮ ಸಾಫ್ಟ್ ವೇರ್ ನ್ನು ಏಜೆಂಟ್ ಗಳಿಗೆ ಮಾರಾಟ ಮಾಡುತಿದ್ದ ಎಂದು ಸಿಬಿಐ ಹೇಳಿದೆ. 

ಗರ್ಗ್ ಜೊತೆಗೆ ಕುಟುಂಬ ಸದಸ್ಯರು ಹಾಗೂ ಟ್ರಾವೆಲ್ ಏಜೆಂಟ್ ಗಳು ಸೇರಿದಂತೆ 13 ಜನರನ್ನು ಬಂಧಿಸಲಾಗಿದ್ದು, ಗರ್ಗ್ ಪೋಷಕರು, ಪತ್ನಿ, ಸಹೋದರಿ ಹಾಗೂ ಆಕೆಯ ಪತಿ ಟ್ರಾವೆಲ್ ಏಜೆಂತ್ ಗಳಿಂದ ಬಿಟ್ ಕಾಯಿನ್ ರೂಪದಲ್ಲಿ ಹಣ ಪಡೆಯುತ್ತಿದ್ದರು ಎಂದು ತಿಳಿದುಬಂದಿದೆ. ಈ ವರೆಗಿನ ಮಾಹಿತಿಯ ಪ್ರಕಾರ ಜೌನ್ ಪುರದ 7 ಏಜೆಂಟ್ ಗಳು ಹಾಗೂ ಮುಂಬೈ ನ 3 ಏಜೆಂಟ್ ಗಳನ್ನು ಈ ಅಕ್ರಮದಲ್ಲಿ ತೊಡಗಿದ್ದರು ಎಂದು ತಿಳಿದುಬಂದಿದೆ.