ಜಮ್ಮು: ಜಮ್ಮು ಮತ್ತು ಕಾಶ್ಮೀರ ಮುಖ್ಯಮಂತ್ರಿ ಮೆಹಬೂಬಾ ಮುಫ್ತಿ ಅವರ ಸಹೋದರ ತಸದಕ್ ಹುಸೇನ್ ಮುಫ್ತಿ ಹಾಗೂ ಶಾಸಕ ಜಾವೇದ್ ಮುಸ್ತಾಫಾ ಮಿರ್ ಅವರು ಪಿಡಿಪಿ-ಬಿಜೆಪಿ ಮೈತ್ರಿಕೂಟ ಸರ್ಕಾರದ ನೂತನ ಸಚಿವರಾಗಿ ಗುರುವಾರ ಪ್ರಮಾಣ ವಚನ ಸ್ವೀಕರಿಸಿದರು.
ಇಂದು ರಾಜಭವನದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ತಸದಕ್ ಮುಫ್ತಿ ಹಾಗೂ ಜಾವೇದ್ ಮುಸ್ತಾಫಾ ಮಿರ್ ಅವರಿಗೆ ರಾಜ್ಯಪಾಲ ಎನ್ ಎನ್ ವೊಹ್ರಾ ಅವರು ಪ್ರತಿಜ್ಞಾವಿಧಿ ಬೋಧಿಸಿದರು. ಇಬ್ಬರು ಸಂಪುಟ ದರ್ಜೆ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದರು.
ವೃತ್ತಿ ನಿರತ ಛಾಯಾಗ್ರಹಕರಾಗಿದ್ದ ತಸದಕ್ ಮುಫ್ತಿ ಅವರು ತಮ್ಮ ತಂದೆ, ಕಾಶ್ಮೀರ ಮಾಜಿ ಮುಖ್ಯಮಂತ್ರಿ ಮುಫ್ತಿ ಮೊಹಮ್ಮದ್ ಸಯೀದ್ ಅವರ ನಿಧನದ ನಂತರ ಸಹೋದರ ಮೆಹಬೂಬಾ ಮುಫ್ತಿಗೆ ಹಾಗೂ ತಾಯಿಗೆ ಬೆಂಬಲ ನೀಡುವುದಕ್ಕಾಗಿ ರಾಜಕೀಯ ಪ್ರವೇಶಿಸಿದ್ದರು.
