ಮತ್ತೊಂದು ಹೆಲಿಕಾಫ್ಟರ್ ಅಪಘಾತದಿಂದ ಪಾರಾದ ಮಹಾ ಸಿಎಂ ಫಡ್ನವೀಸ್

ಮಹಾರಾಷ್ಟ್ರ: ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಅವರು ಮತ್ತೊಂದು ಹೆಲಿಕಾಫ್ಟರ್ ಅಪಘಾತದಿಂದ ಪಾರಾಗಿದ್ದಾರೆ. 

ದೇವೇಂದ್ರ ಫಡ್ನವೀಸ್ ಅವರು ಹೆಲಿಕಾಫ್ಟರ್ ನ್ನು ಏರುತ್ತಿರುವಾಗ ಹೆಲಿಕಾಫ್ಟರ್ ಏಕಾಏಕಿ ಟೇಕ್ ಆಫ್ ಆಗಲು ಪ್ರಾರಂಭವಾಯಿತು. ಅಷ್ಟೇ ಅಲ್ಲದೇ ಹೆಲಿಕಾಫ್ಟರ್ ನ ರೆಕ್ಕೆಗಳು ಫಡ್ನವೀಸ್ ಅವರ ತಲೆಗೆ ತಗುಲುವುದರಲ್ಲಿತ್ತು. ಅದೃಷ್ಟವಶಾತ್ ದೇವೇಂದ್ರ ಫಡ್ನವೀಸ್ ಅಪಾಯದಿಂದ ಪಾರಾಗಿದ್ದಾರೆ ಎಂದು ಪ್ರಾಥಮಿಕ ವರದಿಗಳಿಂದ ತಿಳಿದುಬಂದಿದೆ. 

ಸ್ಥಳದಲ್ಲೇ ಇದ್ದ ಭದ್ರತಾ ಸಿಬ್ಬಂದಿಗಳು ದೇವೇಂದ್ರ ಫಡ್ನವೀಸ್ ಅವರ ನೆರವಿಗೆ ಧಾವಿಸಿದ್ದು, ಅಪಘಾತದಿಂದ ಸಿಎಂ ಪಾರಾಗಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.