ಗುರುಗಾಂವ್: ಆಕಸ್ಮಿಕವಾಗಿ ಕಾರಿನ ಡೋರ್ ಲಾಕ್, ಉಸಿರುಗಟ್ಟಿ ಅವಳಿ ಮಕ್ಕಳು ಸಾವು

ಗುರುಗಾಂವ್:  ಕಾರಿನಲ್ಲಿ ಕುಳಿತು ಆಟವಾಡುತ್ತಿದ್ದ ವೇಳೆ ಆಕಸ್ಮಿಕವಾಗಿ ಕಾರಿನ ಡೋರ್ ಲಾಕ್ ಆದ ಪರಿಣಾಮ ಐದು ವರ್ಷದ ಅವಳಿ ಸಹೋದರಿಯರಿಬ್ಬರು ಉಸಿರುಗಟ್ಟಿ ಮೃತಪಟ್ಟಿರುವ ದಾರುಣ ಘಟನೆ ಗುರುವಾರ ಹರಿಯಾಣಾದ ಗುರುಗಾಂವ್ ನಲ್ಲಿ ನಡೆದಿದೆ.

ಹರ್ಷಾ ಮತ್ತು ಹರ್ಷಿತಾ ಎಂಬುವವರೇ ಅವಘಡದಲ್ಲಿ ಮೃತಪಟ್ಟ ಅವಳಿ ಸಹೋದರಿಯರು. ಈ ಅವಳಿ ಮಕ್ಕಳು ಬೇಸಿಗೆ ರಜೆಗೆಂದು ಗುರುವಾಂಗ್ ನಲ್ಲಿರುವ ಅಜ್ಜಿ-ತಾತನ ಮನೆಗೆ ಬಂದಿದ್ದ ವೇಳೆ ಈ ಘಟನೆ ಸಂಭವಿಸಿದೆ.

ಕಾರಿನ ಒಳಗೆ ಕುಳಿತು ಕಣ್ಣುಮುಚ್ಚಾಲೆ ಆಡುತ್ತಿರುವಾಗ ಈ ದಾರುಣ ಘಟನೆ ನಡೆದಿದೆ. ಬಹಳ ಹೊತ್ತಾದರೂ ಮನೆಯಲ್ಲಿ ಮಕ್ಕಳು ಕಾಣದಾದಾಗ ಅವರ ತಂದೆ ಹುಡುಕಾಟ ನಡೆಸಲು ಪ್ರಾರಂಭಿಸಿದ್ದಾರೆ. ಹೀಗಾಗಿ ಮಕ್ಕಳು ಕಾಣೆಯಾಗಿರುವ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ದೂರು ಸಲ್ಲಿಸೋಣ ಎಂದು ಕಾರು ಹತ್ತಲು ಹೋದಾಗ ಮಕ್ಕಳಿಬ್ಬರು ಪ್ರಜ್ಞಾಹೀನ ಸ್ಥಿತಿಯಲ್ಲಿರುವುದು ಕಂಡುಬಂದಿದೆ.