ಮೊಸಳೆ ಬಾಯಲ್ಲಿ ತಲೆ ಇಟ್ಟು ಸಾಹಸ ಪ್ರದರ್ಶನ: ನೌಕರನ ಅವಾಂತರ!

ಬ್ಯಾಂಕಾಕ್: ಮೊಸಳೆ ಬಾಯಲ್ಲಿ ತಲೆ ಇಟ್ಟು ಸಾಹಸ ಪ್ರದರ್ಶನ ಮಾಡಲು ಹೋಗಿ ಮೃಗಾಲಯದ ನೌಕರನೊಬ್ಬ ಜೀವಕ್ಕೆ ಕುತ್ತು ತಂದುಕೊಂಡಿದ್ದ ಘಟನೆ ಬ್ಯಾಂಕಾಕ್ ನಲ್ಲಿ ನಡೆದಿದೆ. 

ಕೊಹ್ ಸಮುಯ್ ನಲ್ಲಿ ಕಳೆದ ಭಾನುವಾರ ಈ ಘಟನೆ ನಡೆದಿದ್ದು ಪ್ರವಾಸಿಗರೊಬ್ಬರು ಇದನ್ನು ವಿಡಿಯೋ ಮಾಡಿ ಯೂಟ್ಯೂಬ್ ಗೆ ಅಪ್ ಲೋಡ್ ಮಾಡಿದ್ದಾರೆ. ವಿಡಿಯೋ ಇದೀಗ ವೈರಲ್ ಆಗಿದೆ. 

ಈ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬ ಮೊಸಳೆಯ ಬಾಯಲ್ಲಿ ಎರಡು ಕಡ್ಡಿಗಳನ್ನು ಇಟ್ಟು ಟ್ರಿಕ್ಸ್ ಮಾಡಿದ. ಈ ವೇಳೆ ಬಾಯಿ ತೆರೆದುಕೊಂಡಿದ್ದ ಮೊಸಳೆ ಏನೂ ಮಾಡದೆ ಸುಮ್ಮನೆ ಇತ್ತು. ನಂತರ ಆ ವ್ಯಕ್ತಿ ಮೊಸಳೆ ಬಾಯೊಳಗೆ ತನ್ನ ತಲೆಯನ್ನು ಇಟ್ಟಿದ್ದಾನೆ. ಕೆಲವು ಸೆಕೆಂಡ್ ಗಳ ಕಾಲ ಮೊಸಳೆ ಬಾಯಿ ತೆರೆದುಕೊಂಡೇ ಇಲ್ಲ. ಆದ್ರೆ ಇದ್ದಕ್ಕಿದ್ದಂತೆ ಬಾಯಿ ಮುಚ್ಚಿ ತಲೆ ಹಿಡಿದು ಎಳೆದಾಡಿತು. ವ್ಯಕ್ತಿಯ ಅದೃಷ್ಟ ಮೊಸಳೆ ಆತನನ್ನು ಎಳೆದುಕೊಂಡು ನೀರಿನೊಳಗೆ ಹೋಗಿಲ್ಲ. ಹೋಗಿದ್ದರೆ ಆತನ ಕತೆ ಅಷ್ಟೇ. 

ಆದರೆ ಅದೃಷ್ಟಕ್ಕೆ ಮೊಸಳೆ ಎರಡು ಬಾರಿ ತಲೆಯನ್ನು ಅತ್ತ ಇತ್ತ ಆಡಿಸಿ ನಂತರ ನೀರಿನೊಳಗೆ ಹೋಗಿದೆ. ಮೊಸಳೆ ದಾಳಿಯಲ್ಲಿ ವ್ಯಕ್ತಿಯ ಮುಖಕ್ಕೆ ಗಾಯಗಳಾಗಿವೆ. ನಿಜಕ್ಕೂ ಈ ದೃಶ್ಯ ನೋಡಲು ಭೀಕರವಾಗಿದೆ.