ತುರ್ತುಪರಿಸ್ಥಿತಿ ಹೇಳಿಕೆ ಕುರಿತಂತೆ ಮೋದಿಯವರಿಗೆ ಬೆಂಬಲ ವ್ಯಕ್ತಪಡಿಸಿ ಮಾತನಾಡಿರುವ ಬಿಜೆಪಿ ನಾಯಕ ಜಿ.ವಿ.ಎಲ್.ನರಸಿಂಹ ರಾವ್ ಅವರು, ಮನ್ ಕಿ ಬಾತ್ ನಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ತುರ್ತುಪರಿಸ್ಥಿತಿ ಕುರಿತಂತೆ ಸಂದೇಶವನ್ನು ನೀಡಿದ್ದು, ತುರ್ತುಪರಿಸ್ಥಿತಿಯೊಂದು ಕರಾಳ ದಿನವಾಗಿದ್ದು, ಅದನ್ನು ಯಾರೂ ಮರೆಯಬಾರದು ಎಂದು ಹೇಳಿದ್ದಾರೆ. ಕಾಂಗ್ರೆಸ್ ಇಂದು ಸದ್ಗುಣಗಳನ್ನು ಪ್ರದರ್ಶಿಸುತ್ತಿದೆ. ಸ್ವತಂತ್ರದ ಮೇಲೆ ಯಾವುದೇ ರೀತಿಯ ನಿಯಂತ್ರಣಗಳಿಲ್ಲ, ಅಸಹಿಷ್ಣುತೆಯಿಲ್ಲ ಎಂದು ಹೇಳುತ್ತಿದೆ. ತುರ್ತುಪರಿಸ್ಥಿತಿ ಹೇರಲು ಪ್ರಮುಖ ಕಾರಣವೇ ಕಾಂಗ್ರೆಸ್. ಜನರಿಗೆ ನಾಗರಿಕ ಹಕ್ಕುಗಳಿಲ್ಲ ಎಂಬುದನ್ನು ಸಾರಿತ್ತು ಎಂದು ಹೇಳಿದ್ದಾರೆ.
