ಗಡಿಯಲ್ಲಿ ಪಾಕ್ ಉದ್ಧಟತನ: ರಜೌರಿಯಲ್ಲಿ 2 ನಿರಾಶ್ರಿತ ಶಿಬಿರಗಳ ಸ್ಥಾಪನೆ

ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ಗಡಿ ನಿಯಂತ್ರಣ ರೇಖೆ ಬಳಿ ಪಾಕಿಸ್ತಾನ ಪದೇ ಪದೇ ತನ್ನ ಉದ್ಧಟತನವನ್ನು ಪ್ರದರ್ಶಿಸುತ್ತಿದ್ದು, ಶೆಲ್ ದಾಳಿಗಳಿಂದಾಗಿ ತೀವ್ರ ಸಂಕಷ್ಟಕ್ಕೆ ಸಿಲುಕಿರುವ ಸ್ಥಳೀಯರ ನೆರವಿಗೆ ಬಂದಿರುವ ಸರ್ಕಾರ ರಜೌರಿ ಜಿಲ್ಲೆಯಲ್ಲಿ 2 ನಿರಾಶ್ರಿತ ಶಿಬಿರಗಳನ್ನು ಸ್ಥಾಪನೆ ಮಾಡಿದೆ. 

ನೌಶೆರಾ ಬಳಿ 2 ನಿರಾಶ್ರಿತ ಶಿಬಿರಗಳನ್ನು ಸ್ಥಾಪನೆ ಮಾಡಲಾಗಿದ್ದು, 15 ಕುಟುಂಬಗಳ ಒಟ್ಟು 50 ಮಂದಿ ಶಿಬಿರದಲ್ಲಿ ನೆಲೆಸಿದ್ದಾರೆಂದು ರಜೌರಿ ಉಪ ಆಯುಕ್ತ ಶಾಹಿತ್ ಇಕ್ಬಾರ್ ಚೌಧರಿಯವರು ಹೇಳಿದ್ದಾರೆ. 

ಗಡಿಯಲ್ಲಿ ಪಾಕಿಸ್ತಾನ ಸೇನೆ ಪದೇ ಪದೇ ಕದನ ವಿರಾಮ ಉಲ್ಲಂಘನೆ ಮಾಡುತ್ತಿದ್ದು, ಶೆಲ್ ಗಳ ದಾಳಿಗೆ 5-6 ಗುಡ್ಡಗಳು ನಾಶಗೊಂಡಿವೆ. ಅಗತ್ಯ ಬಿದ್ದರೆ ಹೆಚ್ಚುವರಿ ಶಿಬಿರಗಳನ್ನು ಸ್ಥಾಪನೆ ಮಾಡಲಾಗುತ್ತದೆ ಎಂದು ತಿಳಿಸಿದ್ದಾರೆ. 

ಶೆಲ್ ದಾಳಿಯಿಂದಾಗಿ 27 ಕುಟಂಬಗಳು ಸಂಕಷ್ಟಕ್ಕೆ ಸಿಲುಕಿವೆ. ಪಾಕಿಸ್ತಾನ ದಾಳಿಗೆ 40ಕ್ಕೂ ಹೆಚ್ಚು ಕೃಷಿ ಪ್ರಾಣಿಗಳು ಸಾವನ್ನಪ್ಪಿವೆ ಎಂದು ಇಕ್ಬಾಲ್ ಹೇಳಿದ್ದಾರೆ.