ಸಿಬಿಎಸ್ಇ ಫಲಿತಾಂಶ ಪ್ರಕಟ: ಶೇ.99.6 ಅಂಕ ಗಳಿಸಿದ ನೊಯ್ಡಾ ವಿದ್ಯಾರ್ಥಿನಿ ಟಾಪರ್

ನವದೆಹಲಿ: ಕೇಂದ್ರ ಪ್ರೌಢಶಿಕ್ಷಣ ಮಂಡಳಿ(ಸಿಬಿಎಸ್ಇ) ಯ 12ನೇ ತರಗತಿ ಫಲಿತಾಂಶ ಪ್ರಕಟಗೊಂಡಿದೆ. ನೊಯ್ಡಾ ಮೂಲದ ಅಮಿತಿ ಇಂಟರ್ ನ್ಯಾಷನಲ್ ಶಾಲೆಯ ರಕ್ಷಾ ಗೋಪಾಲ್ ಶೇಕಡಾ 99.6 ಅಂಕ ಗಳಿಸುವ ಮೂಲಕ ದೇಶದಲ್ಲಿಯೇ ಉನ್ನತ ಸ್ಥಾನ ಗಳಿಸಿದ್ದಾಳೆ. ಚಂಡೀಗಢದ ಭೂಮಿ ಸಾವಂತ್ ದೆ ಎರಡನೇ ಸ್ಥಾನದಲ್ಲಿ ಶೇಕಡಾ 99.4 ಹಾಗೂ ಚಂಡೀಗಢದ ಭವನ್ ವಿದ್ಯಾಲಯದ ಆದಿತ್ಯ ಜೈನ್ ಶೇಕಡಾ 99.2 ಅಂಕ ಗಳಿಸಿದ್ದಾರೆ.

ಈ ವರ್ಷ ಸಿಬಿಎಸ್ಇ 12ನೇ ತರಗತಿಯ ತೇರ್ಗಡೆ ಪ್ರಮಾಣ  ಸರಾಸರಿ ಶೇಕಡಾ 82ರಷ್ಟಿದೆ. ಕಳೆದ ವರ್ಷ ಇದು ಶೇಕಡಾ 83.05ರಷ್ಟಾಗಿತ್ತು. ವಿಜ್ಞಾನ, ಕಲೆ ಮತ್ತು ವಾಣಿಜ್ಯ ಮೂರೂ ವಿಭಾಗಗಳಲ್ಲಿ ಅತ್ಯುನ್ನತ ಅಂಕ ಗಳಿಸಿದ ವಿದ್ಯಾರ್ಥಿಗಳಿಗೆ ಕರೆ ಮಾಡಿ ಕೇಂದ್ರ ಮಾನವ ಸಂಪನ್ಮೂಲ ಸಚಿವ ಪ್ರಕಾಶ್ ಜಾವದೇಕರ್ ಮಾತನಾಡಿದರು.

ವಿದ್ಯಾರ್ಥಿಗಳು ತಮ್ಮ ಫಲಿತಾಂಶವನ್ನು cbse.nic.in, cbseresults.nic.in ಮತ್ತು results.nic.in ನಲ್ಲಿ ವೀಕ್ಷಿಸಬಹುದು ಮತ್ತು ಸಿಬಿಎಸ್ಇ ಕಚೇರಿಗೆ ಭೇಟಿ ನೀಡುವ ಅಗತ್ಯವಿಲ್ಲ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.