ಹೈದರಾಬಾದ್ ನಲ್ಲಿ ಧಾರಾಕಾರ ಮಳೆ, ಮೂರು ಸಾವು

ಹೈದರಾಬಾದ್: ಭಾರೀ ಮಳೆ ಮತ್ತು ಪ್ರವಾಹದಿಂದಾಗಿ ಎಂಟು ತಿಂಗಳ ಮಗು ಸೇರಿದಂತೆ ಮೂವರು  ಸಾವನ್ನಪ್ಪಿರುವ ಘಟನೆ ಹೈದರಾಬಾದ್ ನಲ್ಲಿ ನಡೆದಿದೆ. ನಗರದಲ್ಲಿ ಸೋಮವಾರ ಸಂಜೆ ವೇಳೆ ಭಾರಿ ಗಾಳಿ ಮಳೆ ಸುರಿದ ಪರಿಣಾಮ ಈ ದುರ್ಘಟನೆ ಸಂಭವಿಸಿದೆ.

ಒಂದು ಮಗು, ಮಗುವಿನ ತಂದೆ ಮಳೆಯಿಂದ ಗೋಡೆ ಕುಸಿದು ಮರಣ ಹೊಂದಿದ್ದರೆ ಇನ್ನೊಬ್ಬ  ವ್ಯಕ್ತಿ ವಿದ್ಯುತ್ ಆಗಾತದಿಂದ ಸಾವನ್ನಪ್ಪಿದ್ದಾನೆ.

ಬಂಜಾರ ಹಿಲ್ಸ್ ಪೊಲೀಸ್ ಠಾಣೆಯ ಎಸ್ ಎಚ್ ಓ ಪ್ರಕಾರ, 35 ವರ್ಷ ವಯಸ್ಸಿನ ಯಾದುಲು ಮತ್ತು ಅವರ ಎಂಟು ತಿಂಗಳ ಮಗು ಮನೆಯಲ್ಲಿ ಮಲಗಿದ್ದಾಗ ಭಾರಿ ಮಳೆ ಕಾರಣ ಗೋಡೆಯ ಕುಸಿದು ಸಾವನ್ನಪ್ಪಿದ್ದರು ದೇಹಗಳನ್ನು ಅವರ  ಮರಣೋತ್ತರ ಪರೀಕ್ಷೆಗಾಗಿ ಕಳಿಸಲಾಗಿದೆ..

ಮತ್ತೊಂದು ಘಟನೆಯಲ್ಲಿ, 35 ವರ್ಷದ ವ್ಯಕ್ತಿ ವಿದ್ಯುದಾಘಾತಕ್ಕೊಳಗಾದರು ಮತ್ತು ವಿದ್ಯುತ್ ತಂತಿಯೊಂದಿಗೆ ಸಂಪರ್ಕ ಹೊಂದಿದ್ದ ಟ್ರಾಲಿಯನ್ನು ಮುಟ್ಟಿದ ಕಾರಣ ಅವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.

ವಾಯುಭಾರ ಕುಸಿತದ ಪರಿಣಾಮ ನಿನ್ನೆ ನಗರದಲ್ಲಿ ಧಾರಾಕಾರ ಮಳೆಯಾಗಿದ್ದು ತಗ್ಗು ಪ್ರದೇಶದ ಮನೆಗಳಿಗೆ ನೀರು ನುಗ್ಗಿದೆ. ನಿನ್ನೆ ಒಂದೇ ದಿನಕ್ಕೆ 60 ಮಿಮೀ ಮಳೆಯಾಗಿದ್ದು ಜನ ಜೀವನ ಅಸ್ತವ್ಯಸ್ತಗೊಂಡಿದೆ.