ಚಂಢಿಗಡ್(ಪಂಜಾಬ್): ಪಂಜಾಬ್ ರಾಜ್ಯದ ಗುರುದಾಸ್ ಪುರ ಲೋಕಸಭಾ ಕ್ಷೇತ್ರದ ಉಪಚುನಾವಣೆಯಲ್ಲಿ ಕಾಂಗ್ರೆಸ್ ಭರ್ಜರಿ ಜಯ ಗಳಿಸುವ ಮೂಲಕ ಪಕ್ಷ ಪುನಶ್ಚೇತನ ಪಡೆಯುತ್ತಿದ್ದು ಬಿಜೆಪಿ ಕೆಳಗಿಳಿಯುತ್ತಿದೆ ಎಂದು ಪಂಜಾಬ್ ಮುಖ್ಯಮಂತ್ರಿ ಅಮರೀಂದರ್ ಸಿಂಗ್ ಹೇಳಿದ್ದಾರೆ.
ರಾಷ್ಟ್ರ ಮಟ್ಟದಲ್ಲಿ ಕಾಂಗ್ರೆಸ್ ಗೆ ಭಾರೀ ಹಿನ್ನೆಡೆಯಾಗುತ್ತಿದ್ದ ಗುರುದಾಸ್ ಪುರ ಮತ್ತು ಕೇರಳದಲ್ಲಿನ ಗೆಲುವು ಪಕ್ಷಕ್ಕೆ ಚೇತರಿಕೆ ತಂದುಕೊಟ್ಟಿದೆ. ಇದು ಸಂತೋಷದ ವಿಷಯ ಎಂದು ಸುದ್ದಿಗೋಷ್ಠಿಯಲ್ಲಿ ಹೇಳಿದ್ದಾರೆ.
ಪಂಜಾಬ್ ವಿಧಾನಸಭೆ ಚುನಾವಣೆಯಲ್ಲಿ ಆಮ್ ಆದ್ಮಿ ಪಕ್ಷ(ಎಎಪಿ) ಶೇಖಡ 2.7ರಷ್ಟು ಮತಗಳನ್ನು ಗಳಿಸಿತ್ತು ಆದರೆ ಈ ಬಾರಿ ಅದನ್ನು ಎಎಪಿ ಕಳೆದುಕೊಂಡಿದೆ. ಈ ಚುನಾವಣೆಯ ಗೆಲುವು ಬದಲಾವಣೆಯನ್ನು ಎತ್ತಿ ತೋರಿಸುತ್ತಿದೆ ಎಂದರು.
ಸರಕು ಮತ್ತು ಸೇವೆಗಳ ತೆರಿಗೆ(ಜಿಎಸ್ಟಿ) ಜಾರಿಯಿಂದ ವ್ಯಾಪಾರಸ್ಥರು ನೊಂದಿದ್ದಾರೆ. ಇನ್ನು ನೋಟು ನಿಷೇಧದಿಂದ ಬೇಸತ್ತಿರುವ ಮತದಾದರು ಈ ಬಾರಿ ಕಾಂಗ್ರೆಸ್ ಅನ್ನು ಬೆಂಬಲಿಸಿದ್ದಾರೆ ಎಂದು ಅಮರೀಂದರ್ ಸಿಂಗ್ ಹೇಳಿದರು.
