ಜನರ ಕೆಲಸ ಮಾಡಿಕೊಡಲು ಜನರಿಂದ ಲಂಚ ಸ್ವೀಕರಿಸುವ ಸಚಿವರುಗಳನ್ನು ಜನತೆ ವಿರೋಧಿಸಬೇಕು ಎಂದು ಒತ್ತಾಯಿಸಿದರು.
ತಮ್ಮ ಮುಂದಿನ ನಡೆ ಏನು ಎಂದು ಸುದ್ದಿ ಮಾಧ್ಯಮದ ಪ್ರತಿನಿಧಿ ಕೇಳಿದಾಗ, ರಾಜಕೀಯಕ್ಕೆ ಧುಮುಕುವ ಮೊದಲು ನಾನು ಸಿದ್ಧತೆ ಮಾಡಿಕೊಳ್ಳಬೇಕು. ಜನರನ್ನು ಭೇಟಿ ಮಾಡಿ ಸದ್ಯದಲ್ಲಿಯೇ ಅವರಿಗೆ ನನ್ನ ನೀಲನಕ್ಷೆಯೊಂದನ್ನು ನೀಡುತ್ತೇನೆ ಎಂದರು.
ಕ್ರಾಂತಿಕಾರಿ ಚಿಂತನೆಯ ನಟ ಕಮಲ್ ಹಾಸನ್ ಇತ್ತೀಚೆಗೆ ಕೇರಳ ಮುಖ್ಯಮಂತ್ರಿ ಹಾಗೂ ಕಮ್ಯೂನಿಸ್ಟ್ ಪಕ್ಷದ ನಾಯಕ ಪಿನರಯಿ ವಿಜಯನ್ ಅವರನ್ನು ಭೇಟಿ ಮಾಡಿದ್ದರು. ರಾಜಕೀಯದಲ್ಲಿ ತಮ್ಮ ತತ್ವ, ನಿಲುವುಗಳೇನು ಎಂದು ಕೇಳಿದ್ದಕ್ಕೆ, ಯಾವುದನ್ನೂ ತಾವು ಗ್ರಹಿಸಿಲ್ಲ ಎಂದರು. ಜನರಿಗೆ ಯಾವುದೇ ಎಡರಂಗ, ಬಲರಂಗ ಅಥವಾ ಪಂಥೀಯವಾದದ ಬಗ್ಗೆ ಆಸಕ್ತಿಯಿರುವುದಿಲ್ಲ. ಸಾಮಾನ್ಯ ಜನತೆಯ ಕಷ್ಟ ಸುಖಗಳಿಗೆ ಸ್ಪಂದಿಸಿದರೆ ಪಂಥೀಯವಾದಗಳಿಗೆ ಒಂದು ದಾರಿ ಸಿಗುತ್ತದೆ ಎಂದರು.
ಸಂದರ್ಶನಕ್ಕೆ ಕಪ್ಪು ಬಣ್ಣದ ಶರ್ಟ್ ಧರಿಸಿದ್ದ ಕಮಲ್ ಹಾಸನ್ ಇದು ತಮ್ಮ ರಾಜಕೀಯದ ಬಣ್ಣ. ಇದರಲ್ಲಿ ಕೇಸರಿ ಸೇರಿದಂತೆ ಎಲ್ಲಾ ಬಣ್ಣಗಳು ಅಡಗಿರುತ್ತದೆ ಎಂದರು.
ಇದಕ್ಕೂ ಮುನ್ನ ಸಂದರ್ಶನದಲ್ಲಿ ಅವರು ತಾವು ರಾಜಕೀಯ ಕುಟುಂಬದ ಹಿನ್ನೆಲೆಯಿಂದ ಬಂದವನು. ನಾನು ಮೊದಲ ಬಾರಿಗೆ ಮತ ಚಲಾಯಿಸಿದಾಗಲೇ ರಾಜಕೀಯಕ್ಕೆ ಬಂದೆ ಎಂದು ಪ್ರತಿಪಾದಿಸಿದರು.
ತಾವು ರಾಜಕೀಯಕ್ಕೆ ಪ್ರವೇಶಿಸಿದ ಮೇಲೆ ನಿಧಾನವಾಗಿ ಉತ್ತಮ ಬದಲಾವಣೆ ತರಲು ಬಯಸುತ್ತೇನೆ ಎಂದು ಹೇಳಿದರು.
