ಮೂಲಗಳ ಪ್ರಕಾರ ಭಾರತೀಯ ರೈಲ್ವೇ ಇಲಾಖೆ ಇದೇ ವರ್ಷ ಜೂನ್ 18ರಿಂದ ದೇಶದಲ್ಲಿ ಎರಡು ವಿಶ್ವ ದರ್ಜೆಯ ರೈಲುಗಳನ್ನು ಪರಿಚಯಿಸಲಿದ್ದು, ಈ ಪೈಕಿ ಇದೇ ವರ್ಷದ ಜೂನ್ 18ರೊಳಗೆ ಟ್ರೈನ್ 18 ಎಂಬ ರೈಲನ್ನು ಮತ್ತು 2020ರ ವೇಳೆ ಟ್ರೈನ್ 20 ಎಂಬ ರೈಲನ್ನು ಹಳಿಗಿಳಿಸಲು ನಿರ್ಧರಿಸಿದೆ ಎನ್ನಲಾಗಿದೆ. ಈ ಎರಡು ವಿಶ್ವ ದರ್ಜೆ ರೈಲುಗಳಿಂದ ಪ್ರಯಾಣದ ಅವಧಿಯು ಶೇ.20ರಷ್ಟು ಕಡಿಮೆಯಾಗಲಿದ್ದು, ಜತೆಗೆ ಪ್ರಯಾಣಿಕರಿಗೆ ವಿಶ್ವ ದರ್ಜೆಯ ಪ್ರಯಾಣಿಕ ಸೇವೆಯನ್ನು ಒದಗಿಸಲು ಸಾಧ್ಯವಾಗುತ್ತದೆ ಎನ್ನಲಾಗಿದೆ.