ನವದೆಹಲಿ: ಭಾಷಾಂತರ ದೋಷವಿದ್ದ ಕಾರಣ ತಮಿಳು ಮಾದ್ಯಮದಲ್ಲಿ ನೀಟ್ ಪರೀಕ್ಷೆ ಬರೆದ ವಿದ್ಯಾರ್ಥಿಗಳಿಗೆ 196 ಕೃಪಾಂಕಗಳನ್ನು ನೀಡಬೇಕೆಂಬಮದ್ರಾಸ್ ಹೈಕೋರ್ಟ್ ಮಧುರೈ ಪೀಠದ ಆದೇಶಕ್ಕೆ ಸುಪ್ರೀಂಕೋರ್ಟ್ ತಡೆ ನೀಡಿದೆ.
ನ್ಯಾಯಮೂರ್ತಿಗಳಾದ ಎಸ್. ಎ. ಬೊಬ್ಬೆ ಮತ್ತು ಎಲ್. ನಾಗೇಶ್ವರ ರಾವ್ ಅವರನ್ನೊಳಗೊಂಡ ಪೀಠವು ಹೈಕೋರ್ಟ್ ಆದೇಶಕ್ಕೆ ತಡೆ ನೀಡಿದ್ದು ಬಿಎಸ್ಇ ಮನವಿಯನ್ನು ಪುರಸ್ಕರಿಸಿದೆ.
ಎರಡು ವಾರಗಳ ಕಾಲ ವಿಚಾರಣೆಯನ್ನು ಮುಂದೂಡಿದ ನ್ಯಾಯಪೀಠ ಎರಡೂ ಪಕ್ಷಗಳು ತಾವು ಉತ್ತಮ ಪರಿಹಾರದೊಡನೆ ನ್ಯಾಯಾಲಯಕ್ಕೆ ಹಾಜರಾಗಬೇಕೆಂದ್ಯು ಸೂಚಿಸಿದೆ. ಅಲ್ಲದೆ "ನಾವು ಕೃಪಾಂಕಗಳನ್ನು ನೀಡಲು ಸಾಧ್ಯವಿಲ್ಲ" ಎಂದಿದೆ.
ಮದ್ರಾಸ್ ಹೈಕೋರ್ಟ್ ನ ಮಧುರೈಪೀಠವು ತಮಿಳು ಮಾದ್ಯಮದಲ್ಲಿ ನೀಟ್ ಪರೀಕ್ಷೆ ಬರೆದವರಿಗೆ 196 ಕೃಪಾಂಕಗಳನ್ನು ನೀಡಬೇಕೆಂದು ಸಿಬಿಎಸ್ಇಗೆ ಸೂಚಿಸಿತ್ತು. ತೀರ್ಪು ಇದೇ ಜುಲೈ 10 ರಂದು ಪ್ರಕಟವಾಗಿತ್ತು.
