ಬಾಟಲಿ ಹಾಲು ಅಂದರೆ ಹಸು ಮತ್ತು ಎಮ್ಮೆ ಹಾಲುಗಳೂ ಕೂಡ ಒಳ್ಳೆಯವೇ ಆದರೂ ತಾಯಿಯ ಎದೆ ಹಾಲಿನಷ್ಟು ನೈಸರ್ಗಿಕವಾಗಿ ಉತ್ತಮವಾಗಿರುವುದಿಲ್ಲ. ಇಂತಹ ಹಾಲುಣಿಸುವುದಿರಿಂದ ಮಕ್ಕಳಲ್ಲಿ ನಿರ್ಜಲೀಕರಣ, ಬೇದಿ, ಜ್ವರದಂತಹ ಅನಾರೋಗ್ಯ ಸಮಸ್ಯೆಗಳು ಎದುರಾಗುತ್ತವೆ. ಡೈರಿ ಹಾಲು ಅಥವಾ ಇತರೆ ವಸ್ತುಗಳು ಕಳಪೆ ನೀರಿನಿಂದಾಗಿ ಮಕ್ಕಳಲ್ಲಿ ಆನಾರೋಗ್ಯ ಸೃಷ್ಟಿಸುವ ಸಾಧ್ಯತೆ ಇದೆ. ಹೀಗಾಗಿ ಮಕ್ಕಳಿಗೆ ತಾಯಿ ಎದೆ ಹಾಲುಣಿಸುವ ಕುರಿತು ಜಾಗೃತಿ ಇನ್ನೂ ಹೆಚ್ಚಿನ ಮಟ್ಟದಲ್ಲಾಗಬೇಕಿದೆ. ನಿಗದಿತ ವರ್ಷಗಳವರೆಗೂ ಮಕ್ಕಳಿಗೆ ತಾಯಿ ಎದೆಹಾಲುಣಿಸುತ್ತಿದ್ದರೆ ಮಕ್ಕಳಲ್ಲಿ ಸಣ್ಣವಯಸ್ಸಿನಲ್ಲೇ ಸಕ್ಕರೆ ಖಾಯಿಲೆ, ಅಲರ್ಜಿ, ಬೊಜ್ಜು, ಹೃದಯದ ಸಮಸ್ಯೆ ಮತ್ತು ಕ್ಯಾನ್ಸರ್ ನಂತಹ ಸಮಸ್ಯೆಗಳನ್ನು ತಡೆಯಬಹುದು ಎಂದು ಹೇಳಿದ್ದಾರೆ.