ಮೋದಿ ಮೊಬೈಲ್ ಆ್ಯಪ್‌ನ ವೈಯಕ್ತಿಕ ದತ್ತಾಂಶಗಳಾದ ಇಮೇಲ್‌ ಐಡಿ, ಫೋಟೋಗಳು, ಲಿಂಗ ಮತ್ತು ಬಳಕೆದಾರರ ಹೆಸರುಗಳನ್ನು ಮೂರನೇ ವ್ಯಕ್ತಿಯೊಬ್ಬರಿಗೆ ಕಳುಹಿಸಲಾಗಿದೆ ಎಂದು ಫಾನ್ಸ್‌ ಮೂಲದ ಹ್ಯಾಕರ್‌ವೊಬ್ಬರು ಸರಣಿ ಟ್ವೀಟ್‌ಗಳ ಮೂಲಕ ಆರೋಪಿಸಿರುವ ಬಗ್ಗೆ ಮಾಧ್ಯಮಗಳಲ್ಲಿ ಬಂದ ವರದಿಯನ್ನು ರಾಹುಲ್ ಬಹಿರಂಗಪಡಿಸಿದ್ದಾರೆ. ಚುನಾವಣಾ ಪ್ರಚಾರಕ್ಕಾಗಿ ಕಾಂಗ್ರೆಸ್, ಕೇಂಬ್ರಿಜ್‌ ಅನಾಲಿಟಿಕಾ ಕಂಪನಿಯನ್ನು ಬಳಸಿಕೊಂಡಿದೆ ಎಂದು ಬಿಜೆಪಿ ಆರೋಪಿಸಿದ ಬೆನ್ನಲ್ಲೇ, ರಾಹುಲ್ ಹೇಳಿಕೆ ಹೊರಬಿದ್ದಿದೆ. ಭಾರತೀಯರ ಮೇಲೆ ಗೂಢಚಾರಿಗೆ ನಡೆಸುವವರಿಗೆ ಮೋದಿ ಬಿಗ್ ಬಾಸ್ ಆಗಿದ್ದು, ಮೋದಿ ಆ್ಯಪ್ ಜಿಪಿಎಸ್ ಲೊಕೇಶ್ ಟ್ರಾಕ್ ಮಾಡುತ್ತದೆ. ಈಗ ಪ್ರಧಾನಿ ಮೋದಿಗೆ ನಮ್ಮ ಮಕ್ಕಳ ದತ್ತಾಂಶ ಕೂಡ ಬೇಕಿದ್ದು, ದೇಶದ ಸುಮಾರು 13 ಲಕ್ಷ ಎನ್ ಸಿಸಿ ಕೆಡೆಟ್ ಗಳು ಕಡ್ಡಾಯವಾಗಿ ನಮೋ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳುವಂತೆ ಸೂಚನೆ ನೀಡಲಾಗಿದೆ ಎಂದು ರಾಹುಲ್ ಗಾಂಧಿ ಆರೋಪಿಸಿದ್ದಾರೆ.
