ಮಿಜೋರಂ ಸ್ಪೀಕರ್ ಸ್ಥಾನಕ್ಕೆ ಹಿಫಿ ರಾಜೀನಾಮೆ; ಇಂದು ಅಪರಾಹ್ನ ಬಿಜೆಪಿಗೆ ಸೇರ್ಪಡೆ

ಮಿಜೋರಾಂ ವಿಧಾನಸಭೆಯ ಸ್ಪೀಕರ್ ಹಾಗೂ ಕಾಂಗ್ರೆಸ್ ಹಿರಿಯ ನಾಯಕ ಹಿಫಿ ಸೋಮವಾರ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.

ಅವರು ತಮ್ಮ ರಾಜೀನಾಮೆ ಪತ್ರವನ್ನು ಉಪ ಸ್ಪೀಕರ್ ಆರ್ ಲಲ್ರಿನಾವಾಮಾ ಅವರಿಗೆ ಸಲ್ಲಿಸಿದ್ದಾರೆ. ರಾಜೀನಾಮೆ ಸಲ್ಲಿಸುವಾಗ ಹಿರಿಯ ಬಿಜೆಪಿ ನಾಯಕ ಎನ್ ಡಿ ಚಕ್ಮ ಹಾಗೂ ಕೊನ್ಹ್ರೆಸ್ಸ್ ನಾಯಕ ಹಾಗೂ ಇತರರು ಇದ್ದಾರೆ.

ಬಿಜೆಪಿ ನಾಯಕರು ಮತ್ತು 81 ವರ್ಷದ ಹಿರಿಯ ರಾಜಕಾರಣಿ ಹಿಫಿ ನಡುವೆ ಕಳೆದ ಕೆಲ ದಿನಗಳಿಂದ ನಡೆಯುತ್ತಿದ್ದ ಊಹಾಪೋಹಗಳು ಹಿಫಿಯವರ ರಾಜೀನಾಮೆ ಮೂಲಕ ಅಂತ್ಯಗೊಂಡಿದೆ. ಹಿಫಿ ಮಿಜೋರಂನ ಮಾರಾ ಸಮುದಾಯಕ್ಕೆ ಸೇರಿದವರಾಗಿದ್ದಾರೆ.

ಸಿಯಾ ಜಿಲ್ಲೆಯ ಪಾಲಕ್ ವಿಧಾನಸಭೆ ಕ್ಷೇತ್ರದಲ್ಲಿ ಪ್ರಾಬಲ್ಯ ಹೊಂದಿರುವ ಹಿಫಿ ಇಂದು ಅಪರಾಹ್ನ ಅಧಿಕೃತವಾಗಿ ಬಿಜೆಪಿ ಸೇರಲಿದ್ದಾರೆ. ಹಿಫಿಯವರ ರಾಜೀನಾಮೆಯಿಂದ ನವೆಂಬರ್ 28ರಂದು ನಡೆಯುತ್ತಿರುವ ಚುನಾವಣೆಯಲ್ಲಿ ಕಾಂಗ್ರೆಸ್ ಗೆ ಪ್ರಮುಖ ಹಿನ್ನಡೆಯಾಗಿದೆ.