ಅಂತೆಯೇ ಕೆಲ ಖಾಸಗಿ ಕಂಪನಿಗಳು ಗರ್ಭಿಣಿ ಮಹಿಳೆಯರನ್ನು ಉದ್ಯೋಗದಿಂದ ತೆಗೆದಿರುವ ಬಗ್ಗೆಯೂ ದೂರುಗಳು ದಾಖಲಾಗಿದ್ದು, ಸರ್ಕಾರ ಮತ್ತು ಖಾಸಗಿ ಕ್ಷೇತ್ರಗಳಲ್ಲಿ ಕೆಲಸ ಮಾಡುವ ಮಹಿಳೆಯರೆಲ್ಲರಿಗೂ ಸರ್ಕಾರದಿಂದ ಈ ನೆರವು ನೀಡುವುದಾಗಿ ರಾಕೇಶ್ ಶ್ರೀವಾಸ್ತವ್ ಅವರು ಘೋಷಣೆ ಮಾಡಿದರು. ಸರ್ಕಾರಿ ಮತ್ತು ಖಾಸಗಿ ವಲಯದಲ್ಲಿ ಪ್ರತಿ ತಿಂಗಳು 15 ಸಾವಿರ ರೂ.ಗಿಂತ ಹೆಚ್ಚಿನ ಸಂಬಳ ಪಡೆಯುತ್ತಿರುವ ಮಹಿಳೆಯರ 26 ವಾರಗಳ ಹೆರಿಗೆ ರಜೆ ಪೈಕಿ 7 ವಾರಗಳ ವೇತನವನ್ನು ಭರಿಸಲು ನಿರ್ಧರಿಸಿದ್ದೇವೆ ಎಂದು ಅವರು ಹೇಳಿದರು. 2017ರ ಮಾರ್ಚ್ ವರೆಗೆ ಈ ನಿಧಿಯಲ್ಲಿ 32,632 ಕೋಟಿ ರೂ.ಗಳಿದ್ದವು. ಈ ಪೈಕಿ 7,500 ಕೋಟಿ ರೂ. ಮೊತ್ತವನ್ನು ಮಾತ್ರ ಬಳಕೆ ಮಾಡಲಾಗಿದ್ದು, ಕಾರ್ಮಿಕ ಕಲ್ಯಾಣ ಸೆಸ್ಗೆ ಹಣವನ್ನು ಮಾಲೀಕರಿಗೆ ಕೊಡುವಂತೆ ನಿರ್ಧರಿಸಲಾಗುವುದು ಎಂದು ರಾಕೇಶ್ ಶ್ರೀವಾಸ್ತವ್ ಹೇಳಿದರು.
