ನವದೆಹಲಿ: ಭಾರತ-ಪಾಕಿಸ್ತಾನ ಗಡಿ ಪ್ರದೇಶದಲ್ಲಿ 2015-17 ವರೆಗೆ ಗುಂಡೇಟಿಗೆ ಬಲಿಯಾದ ಅರೆಸೇನಾ ಪಡೆಗಳ ಸಂಖ್ಯೆ ಬರೊಬ್ಬರಿ 400 ನ್ನು ದಾಟಿದೆ.
ಹೌದು, ಕೇಂದ್ರ ಸರ್ಕಾರದ ಅಧಿಕಾರಿಗಳ ಮಾಹಿತಿಯ ಪ್ರಕಾರ ಭಯೋತ್ಪಾದಕ ದಾಳಿ ಹಾಗೂ ಒಳನುಸುಳುವಿಕೆಯಿಂದ ಉಂಟಾದ ಘರ್ಷಣೆಯಲ್ಲಿ ಅರೆಸೇನಾಪಡೆಯ 400 ಸಿಬ್ಬಂದಿಗಳು ಮೃತಪಟ್ಟಿದ್ದಾರೆ.
ಕಾರ್ಯಾಚರಣೆಯಲ್ಲಿಅತಿ ಹೆಚ್ಚು ಸಂಖ್ಯೆಯಲ್ಲಿ ಮೃತಪಟ್ಟಿರುವುದು ಗಡಿ ಭದ್ರತಾ ಪಡೆಯ ಸಿಬ್ಬಂದಿಗಳಾಗಿದ್ದು, 2015-17 ರ ಅವಧಿಯಲ್ಲಿ ಸುಮಾರು 167 ಗಡಿ ಭದ್ರತಾ ಸಿಬ್ಬಂದಿಗಳು ಮೃತಪಟ್ಟಿದ್ದು, ಈ ಪೈಕಿ ಬಹುತೇಕ ಸಿಬ್ಬಂದಿಗಳು ಅತೀ ಸೂಕ್ಷ್ಮ ಪ್ರದೇಶದಲ್ಲಿನ ಕಾರ್ಯಾಚರಣೆ ವೇಳೆ ಜೀವಕಳೆದುಕೊಂಡಿದ್ದಾರೆ.
ಇನ್ನು ಕಳೆದ ಮೂರು ವರ್ಷಗಳಲ್ಲಿ 103 ಸಿಬ್ಬಂದಿಗಳನ್ನು ಸಿಆರ್ ಪಿಎಫ್ ಕಳೆದುಕೊಂಡಿದ್ದು ಬಹುತೇಕ ಸಿಬ್ಬಂದಿಗಳು ನಕ್ಸಲರ ದಾಳಿಗೆ ಹಾಗೂ ಭಯೋತ್ಪಾದಕರ ದಾಳಿಗೆ ಬಲಿಯಾಗಿದ್ದಾರೆ. 2015 ರಲ್ಲಿ ಬಿಎಸ್ಎಫ್ ನ 62 ಸಿಬ್ಬಂದಿಗಳು 2016 ರಲ್ಲಿ 58 ಸಿಬ್ಬಂದಿಗಳು 2017 ರಲ್ಲಿ 47 ಸಿಬ್ಬಂದಿಗಳು ಜೀವತೆತ್ತಿದ್ದಾರೆ.
