ಈ ವೇಳೆ ತೀವ್ರ ದುಃಖಿತರಾಗಿದ್ದ ವಾನಿ ಅವರ ತಂದೆಯನ್ನು ಯೋಧರೊಬ್ಬರು ಅಪ್ಪಿ ಸಮಾಧಾನ ಪಡಿಸಿದ್ದರು. ಈ ದೃಶ್ಯದ ಫೋಟೋ ತೆಗೆದಿದ್ದ ಕೆಲವರು ಅದನ್ನು ಸಾಮಾಜಿಕ ಜಾಲತಾಣಕ್ಕೆ ಅಪ್ಲೋಡ್ ಮಾಡಿ ಅದಕ್ಕೆ ನೀವು ಏಕಾಂಗಿ ಅಲ್ಲ.. ನಿಮ್ಮೊಂದಿಗೆ ಭಾರತೀಯ ಸೇನೆ ಮತ್ತು ಸೈನಿಕರಿದ್ದಾರೆ ಎಂಬ ಅಡಿ ಬರಹ ಬರೆಯಲಾಗಿತ್ತು. ಈ ಫೋಟೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದ್ದು, 3 ಸಾವಿರಕ್ಕೂ ಅಧಿಕ ಲೈಕ್ ಗಳು ಮತ್ತು 997 ಬಾರಿ ರಿಟ್ವೀಟ್ ಆಗಿದೆ. ಅಂತೆಯೇ ವಾನಿ ಅವರ ಕುಟುಂಬದೊಂದಿಗೆ ನಾವಿದ್ದೇವೆ ಎಂದು ಹಲವು ಟ್ವೀಟ್ ಮಾಡಿದ್ದಾರೆ.