#MeToo ನಂತರ, ಪುರುಷರಿಗಾಗಿ ಚೆನ್ನೈ ಪತ್ರಕರ್ತರಿಂದ #WeToo ಅಭಿಯನ

ಮಹಿಳೆಯರಿಂದ ಬೆದರಿಕೆ ಎದುರಿಸುತಿರುವ ಪುರುಷರು #MeToo ಅಭಿಯಾನಕ್ಕೆ ಪರ್ಯಾಯವಾಗಿ #WeToo ಅಭಿಯಾನವನ್ನು ಪ್ರಾರಂಭಿಸಿದ್ದು ಮಹಿಳೆಯರಿಂದ ಎದುರಿಸುತ್ತಿರುವ ಕಿರುಕುಳಗಳನ್ನು ಹೇಳಿಕೊಳ್ಳುವುದಕ್ಕೆ ಪ್ರಾರಂಭಿಸಿದ್ದಾರೆ. ಈಗಾಗಲೇ ಶಿಕ್ಷಣ ಕ್ಷೇತ್ರ, ಸಿನಿಮಾ ರಂಗ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ಖ್ಯಾತಿ ಪಡೆದಿರುವ 1,600 ಕ್ಕೂ ಹೆಚ್ಚು ಜನರು #WeToo ಅಭಿಯಾನದಲ್ಲಿ ಭಾಗಿಯಾಗಿದ್ದಾರೆ. 

#weToo ಅಭಿಯಾನದ ಬಗ್ಗೆ ಮಾತನಾಡಿರುವ ಪತ್ರಕರ್ತರಾದ ವರಾಹಿ, ಮಹಿಳೆಯರಿಂದ ಕಿರುಕುಳ ಎದುರಿಸುತ್ತಿರುವ ಅನುಭವಗಳನ್ನು ಹಂಚಿಕೊಂಡಿರುವ ಪುರುಷ ಸಂತ್ರಸ್ತರ ಖಾಸಗಿ ವಿವರಗಳನ್ನು ಗೌಪ್ಯವಾಗಿಡಲಾಗುವುದು  ಎಂದು ಹೇಳಿದ್ದಾರೆ. 

ತಮಗಾದ ಕಿರುಕುಳವನ್ನು ವ್ಯಕ್ತಿಯೊಬ್ಬರು #weToo ಅಭಿಯಾನದ ಮೂಲಕ ಹಂಚಿಕೊಂಡಿದ್ದು, ಶೈಕ್ಷಣಿಕ ಸಂಸ್ಥೆಯಲ್ಲಿ ಉನ್ನತ ಹುದ್ದೆಯಲ್ಲಿರುವ ವ್ಯಕ್ತಿಗೆ ಮಹಿಳೆಯೊಬ್ಬರು ಬೆದರಿಕೆ ಹಾಕುತ್ತಿದ್ದಾರಂತೆ. ವಿಚಿತ್ರವೆಂದರೆ ಆ ಮಹಿಳೆ ಹಾಗೂ ಈಗ ಕಿರುಕುಳಕ್ಕೊಳಗಾಗಿರುವ ವ್ಯಕ್ತಿಗೂ ಕೆಲವು ವರ್ಷಗಳ ಹಿಂದೆ ಅಕ್ರಮ ಸಂಬಂಧ ಇತ್ತಂತೆ. 

#MeToo ಅಭಿಯಾನದಲ್ಲಿ ಹೆಸರು ಹಾಕದೇ ಇರುವುದಕ್ಕೆ ಮಧ್ಯವರ್ತಿಯನ್ನು ಬಳಸಿಕೊಂಡು ಆ ಮಹಿಳೆ 3 ಕೋಟಿಗೆ ಬೇಡಿಕೆ ಇಟ್ಟಿದ್ದರು ಎಂದು ಸಂತ್ರಸ್ತ ವ್ಯಕ್ತಿ ಹೇಳಿದ್ದಾರೆ.