ಪಾಕಿಸ್ತಾನ ಭಯೋತ್ಪಾದನೆ ನಿಲ್ಲಿಸಿದರೇ ನಾವು ಕೂಡ ನೀರಜ್ ಚೋಪ್ರಾ ಆಗುತ್ತೇವೆ: ಬಿಪಿನ್ ರಾವತ್

ನವದೆಹಲಿ: ಒಂದು ವೇಳೆ ಪಾಕಿಸ್ತಾನ ತನ್ನ ಭಯೋತ್ಪಾದನೆ ನಿಲ್ಲಿಸಿದರೇ ಭಾರತೀಯ ಸೇನೆ ಕೂಡ ಜಾವಲಿನ್ ಚಿನ್ನದ ಪದಕ ವಿಜೇತ ನೀರಜ್ ಚೋಪ್ರಾರಂತೆ ಇರುತ್ತದೆ ಎಂದು ಸೇನಾ ಮುಖ್ಯಸ್ಥ ಬಿಪಿನ್ ರಾವತ್ ಹೇಳಿದ್ದಾರೆ,

ಏಷ್ಯನ್ ಗೇಮ್ಸ್ ನಲ್ಲಿ ಭಾಗವಹಿಸಿದ್ದ ಸೇನೆ ಪದಕ ವಿಜೇತರಿಗೆ ನಡೆದ  ಅಭಿನಂದನಾ ಸಮಾರಂಭದಲ್ಲಿ ಮಾತನಾಡಿದ ಅವರು, 2017 ನೇ ವರ್ಷಕ್ಕೆ ಹೋಲಿಸಿದರೇ 2018 ರಲ್ಲಿ ಕಾಶ್ಮೀರದ ಪರಿಸ್ಥಿತಿ ಸುಧಾರಿಸಿದೆ ಎಂದು ಹೇಳಿದ್ದಾರೆ.

ಮೊದಲು ಅವರೇ ಮುಂದಾಗಲಿ, ಮೊದಲು ಪಾಕಿಸ್ತಾನವೇ ಭಯೋತ್ಪಾದನೆ ನಿಲ್ಲಿಸಲಿ, ಅವರು ಉಗ್ರವಾದವನ್ನು ನಿಲ್ಲಿಸಿದರೇ ನಾವು ಕೂಡ ನೀರಜ್ ಛೋಪ್ರಾ ಆಗುತ್ತೇವೆ. ಕಂಚಿನ ಪದಕ ಗೆದ್ದಿ ಪಾಕಿಸ್ತಾನದ ಅರ್ಷದ್​ನದೀಂ ಜೊತೆ ನೀರಜ್​ ಚೋಪ್ರಾ  ವೇದಿಕೆಯ ಮೇಲೆ ಕೈ ಕುಲುಕಿದ್ದರು. ಈ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು.

ಚಿನ್ನದ ಪದಕ ಗೆದ್ದಿದ್ದ ನೀರಜ್ ಚೋಪ್ರಾ ವೇದಿಕೆ ಮೇಲ್ದೇದ ಚೀನಾ ಮತ್ತು ಪಾಕಿಸ್ತಾನ ಆಟಗಾರರ ಕೈ ಕುಲುಕಿದ್ದರು.