ಪ್ರತಿದಾಳಿಗೆ ಯತ್ನಿಸಿದ್ದ ಪಾಕ್‌ನ ಎಫ್-16 ಜೆಟ್, 'ಮಿರಾಜ್-2000' ಮಿಂಚಿನ ದಾಳಿಗೆ ಹೆದರಿ ವಾಪಸ್!

ನವದೆಹಲಿ: ಪಾಕಿಸ್ತಾನ ನೆಲದಲ್ಲಿ ಮಿರಾಜ್-2000 ಯುದ್ಧ ವಿಮಾನ ಭೀಕರ ಬಾಂಬ್ ದಾಳಿ ನಡೆಸುತ್ತಿದ್ದಾಗ ಪ್ರತಿದಾಳಿಗೆ ಮುಂದಾಗಿದ್ದ ಪಾಕಿಸ್ತಾನ ಎಫ್-16 ಜೆಟ್ ಯುದ್ಧ ವಿಮಾನ ಹೆದರಿ ವಾಪಸಾಗಿದೆ ಎಂದು ವರದಿಯಾಗಿದೆ. 

ಹೌದು, ಭಾರತೀಯ ವಾಯುಸೇನೆ ನಡೆಸಿದ ಭೀಕರ ಬಾಂಬ್ ದಾಳಿ ನಡೆಸುತ್ತಿದ್ದಾಗ ಪಾಕಿಸ್ತಾನ ಎಫ್-16 ಯುದ್ಧ ವಿಮಾನ ಪ್ರತಿದಾಳಿಗೆ ಮುಂದಾಗಿತ್ತು. ಆದರೆ ಮಿರಾಜ್-2000 ಮಿಂಚಿನ ವೇಗದ ತೀವ್ರತ್ಕೆ ಹೆದರಿ ತನ್ನ ಸೇನಾ ನೆಲೆಗೆ ವಾಪಸಾಗಿದೆ ಎಂದು ಹೇಳಲಾಗುತ್ತಿದೆ. 

ಮಿರಾಜ್-2000 ಯುದ್ಧ ವಿಮಾನ ಮುಂಜಾನೆ 3.30ರ ಸುಮಾರಿಗೆ 1000 ಕೆಜಿ ತೂಕದ 10 ಬಾಂಬ್ ಗಳನ್ನು ಸಿಡಿಸಿದ್ದು ಇದರಲ್ಲಿ ಜೈಷೆ ಎ ಮೊಹಮ್ಮದ್ ಉಗ್ರ ಸಂಘಟನೆಯ ಮೂರು ಲ್ಯಾಂಚ್ ಪ್ಯಾಡ್ ಗಳನ್ನು ಧ್ವಂಸ ಮಾಡಲಾಗಿದೆ.