ಭಯೋತ್ಪಾದನೆ ವಿರುದ್ಧ ನಮ್ಮ ಹೋರಾಟ, ಕಾಶ್ಮೀರಿಗಳ ವಿರುದ್ಧ ಅಲ್ಲ: ಪ್ರಧಾನಿ ಮೋದಿ

ಪುಲ್ವಾಮಾ ಉಗ್ರ ದಾಳಿಯ ಸಂಚುಕೋರರಿಗೆ ಕಾನೂನಿನಡಿ ಶಿಕ್ಷೆಗೆ ಗುರಿಪಡಿಸುವಂತೆ ಪಾಕಿಸ್ತಾನದ ಪ್ರಧಾನಿ ಇಮ್ರಾನ್ ಖಾನ್ ಅವರಿಗೆ ನರೇಂದ್ರ ಮೋದಿ ಸವಾಲು ಹಾಕಿದ್ದಾರೆ. ಪಠಣ್ ಪುತ್ರ ನೇ ಆಗಿದ್ದಲ್ಲಿ ತಾನೇ ಆಡಿದ ಮಾತಿಗೆ ಬದ್ಧವಾಗಿರುವಂತೆ ತಾಕೀತು ಮಾಡಿದ್ದಾರೆ.

 2018ರಲ್ಲಿ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ ಜಯಗಳಿಸಿದ ನಂತರ ಇಮ್ರಾನ್ ಖಾನ್ ಜೊತೆಗೆ ನಡೆಸಿದ  ದೂರವಾಣಿ ಸಂಭಾಷಣೆಯನ್ನು ನೆನಪಿಸಿಕೊಂಡ ಮೋದಿ, ವಿಶ್ವ ಕ್ರಿಕೆಟ್ ನಿಂದ ನೀವು ಬಂದಿರುವುದಾಗಿ ಹೇಳಿದ್ದೆ. ಬಡತನ ಹಾಗೂ ಅನಕ್ಷರತೆ ನಿರ್ಮೂಲನೆಗಾಗಿ ಭಾರತ ಹಾಗೂ ಪಾಕಿಸ್ತಾನ  ಜಂಟಿಯಾಗಿ ಕಾರ್ಯನಿರ್ವಹಿಸುವಂತೆ ಮಾತನಾಡಿದ್ದೇ ಎಂದು ತಿಳಿಸಿದರು.

ಇದಕ್ಕೆ ಪ್ರತಿಕ್ರಿಯಿಸಿದ ಇಮ್ರಾನ್ ಖಾನ್, ತಾನೂ ಪಠಣ್  ಸುಪುತ್ರನಾಗಿದ್ದು, ಯಾವಾಗಲೂ ಸತ್ಯವನ್ನೇ ನುಡಿಯುವುದಾಗಿ , ಸತ್ಯ ದಾರಿಯಲ್ಲಿಯೇ ನಡೆಯುವುದಾಗಿ ಹೇಳಿದ್ದರು. ಈಗ ತಾನೇ ಆಡಿದ ಮಾತನ್ನು ಸಾಕ್ಷಿಕರಿಸುವ ಸಂದರ್ಭ ಬಂದಿದೆ ಎಂದು ಮೋದಿ ತಾಕೀತು ಮಾಡಿದರು.