ಗುವಾಹತಿ: ನಾಗಾಲ್ಯಾಂಡ್ ಬಂಡುಕೋರ ನಾಾಯಕನ ಪುತ್ರನ ಮದುವೆ ಆರತಕ್ಷತೆಗೆ ಆಗಮಿಸಿದ್ದ ಅತಿಥಿಗಳು ನವ ದಂಪತಿಗಳು ಅತ್ಯಾಧುನಿಕ ಶಸ್ತ್ರಾಸ್ತ್ರಗಳನ್ನು ಸಾರ್ವಜನಿಕವಾಗಿ ಪ್ರದರ್ಶಿಸುತ್ತಿರುವುದನ್ನು ನೋಡಿ ಆಘಾತಗೊಂಡಿದ್ದಾರೆ.
ಯುವ ದಂಪತಿಗಳು ಕೈಯಲ್ಲಿ ಅತ್ಯಾಧುನಿಕ ಗನ್ ಗಳನ್ನು ಹಿಡಿದು ಪೋಸ್ ಕೊಡುತ್ತಿರುವ ಫೋಟೋಗಳ ಈಗ ಸಾಮಾಜಿಕ ತಾಣದಲ್ಲಿ ವೈರಲ್ ಆಗಿದೆ. ದಂಪತಿಗಳು ಕೈಯಲ್ಲಿ ಎಕೆ 56 ಮತ್ತು ಎಂ16 ಗನ್ ಗಳನ್ನು ಹಿಡಿದು ವಿವಿಧ ರೀತಿಯಲ್ಲಿ ಪೋಸ್ ನೀಡಿದ್ದಾರೆ.
ಕಳೆದ ಶನಿವಾರ ರಾಜ್ಯದ ವಾಣಿಜ್ಯ ನಗರಿ ದಿಂಪುರ್ ದಲ್ಲಿ ಎನ್ ಎಸ್ ಸಿಎನ್-ಯು ನಾಯಕ ಬೋಹೋಟೋ ಕಿಬಾ ಅವರ ಪುತ್ರನ ಮದುವೆ ಆರತಕ್ಷತೆ ನಡೆದಿದ್ದು, ಇಂತಹ ಶುಭ ಸಮಾರಂಭದಲ್ಲಿ ಗನ್ ಗಳನ್ನು ಪ್ರದರ್ಶಿಸಿರುವ ಬಗ್ಗೆ ಹಲವು ಅತಿಥಿಗಳು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಇನ್ನು ನವ ದಂಪತಿಗಳ ಈ ಕೃತ್ಯಕ್ಕೆ ಟ್ಟಿಟ್ಟಿಗರು ಸಹ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದು, ಶಸ್ತ್ರಾಸ್ತ್ರಗಳನ್ನು ಸಾರ್ವಜನಿಕವಾಗಿ ಪ್ರದರ್ಶಿಸಿದ್ದು ಮತ್ತು ಮಹಿಳೆ ಕೈಯಲ್ಲಿ ಗನ್ ಕೊಟ್ಟಿದ್ದು ತಪ್ಪು ಎಂದಿದ್ದಾರೆ.
Advertisement