ದುಮ್ಕಾ: 16 ವರ್ಷದ ಅಪ್ರಾಪ್ತ ಯುವತಿ ಮೇಲೆ ಆಕೆಯ ಸ್ನೇಹಿತ ಸೇರಿದಂತೆ ಇತರೆ 8 ಮಂದಿ ಗ್ಯಾಂಗ್ ರೇಪ್ ಮಾಡಿರುವ ಘಟನೆ ಜಾರ್ಖಂಡ್ ನಿಂದ ವರದಿಯಾಗಿದೆ.
ಊರಿಗೆ ಕರೆದೊಯ್ಯುವುದಾಗಿ ಹೇಳಿ ಕಾಡಿನೊಳಗೆ ಕರೆದೊಯ್ದ ಸ್ನೇಹಿತ ತನ್ನ ಇತರೆ 8 ಮಂದಿ ಸ್ನೇಹಿತರೊಂದಿಗೆ ಸೇರಿ ಕಾಡಿನ ನಿರ್ಜನ ಪ್ರದೇಶದಲ್ಲಿ ಸಾಮೂಹಿಕ ಅತ್ಯಾಚಾರ ಮಾಡಿದ ಎಂದು ಅಪ್ರಾಪ್ತ ಯುವತಿ ಆರೋಪಿಸಿದ್ದಾಳೆ, ಈ ಸಂಬಂಧ ದುಮ್ಕಾ ಜಿಲ್ಲೆಯ ಗೋಪಿಕಂದರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಆರೋಪಿಗಳ ಮನೆ ಮೇಲೆ ದಿಢೀರ್ ದಾಳಿ ನಡೆಸಿರುವ ಸ್ಥಳೀಯ ಎಸ್ ಪಿ ವೈಎಸ್ ರಮೇಶ್ ಅವರು ಆರೋಪಿಗಳನ್ನು ವಶಕ್ಕೆ ಪಡೆದಿದ್ದಾರೆ.
ದೂರಿನಲ್ಲೇನಿದೆ?
ತನ್ನ ಹಳ್ಳಿಗೆ ಹೊರಟಿದ್ದ ಯುವತಿ ತನ್ನ ಸ್ನೇಹಿತನಿಗೆ ಕರೆ ಮಾಡಿ ತನ್ನನ್ನು ಮನೆಗೆ ಡ್ರಾಪ್ ಮಾಡುವಂತೆ ಕೇಳುತ್ತಾಳೆ. ಈ ವೇಳೆ ಬೈಕ್ ನಲ್ಲಿ ಆಗಮಿಸಿದ ಆಕೆಯ ಸ್ನೇಹಿತ ಆಕೆಯನ್ನು ಕೂರಿಸಿಕೊಂಡು ಹೊರಡುತ್ತಾನೆ. ಈ ವೇಳೆ ಕಾಡಿನತ್ತ ಮಾರ್ಗ ಬದಲಿಸಿದ ಸ್ನೇಹಿತ ಈ ಕಡೆಯಿಂದ ಶಾರ್ಟ್ ಕಟ್ ಇದೆ ಎಂದು ಹೇಳಿ ಯುವತಿಯನ್ನು ಕರೆದೊಯ್ಯುತ್ತಾನೆ. ಕಾಡಿನ ನಡುವಿನ ನಿರ್ಜನ ಪ್ರದೇಶದಲ್ಲಿ ಸುಮಾರು 8 ಮಂದಿ ಯುವಕರ ಇರುವಿಕೆಯನ್ನು ಕಂಡ ಯುವತಿ ಕೂಡಲೇ ಮನೆಗೆ ಕರೆದೊಯ್ಯುವಂತೆ ಅಂಗಲಾಚುತ್ತಾಳೆ.
ಈ ವೇಳೆ ಆಕೆಯನ್ನು ತಳ್ಳಾಡಿದ ಸ್ನೇಹಿತ ಕಾಡಿನಲ್ಲಿದ್ದ ಇತರೆ 8 ಮಂದಿಯೊಂದಿಗೆ ಸೇರಿ ಆಕೆಯ ಮೇಲೆ ಒಬ್ಬರ ನಂತರ ಮತ್ತೊಬ್ಬರು ಸಾಮೂಹಿಕ ಅತ್ಯಾಚಾರ ನಡೆಸುತ್ತಾರೆ. ಈ ಯುವತಿ ಪ್ರಜ್ಞೆ ತಪ್ಪಿದ್ದು, ದುಷ್ಕರ್ಮಿಗಳು ಅಲ್ಲಿಂದ ಪರಾರಿಯಾಗುತ್ತಾರೆ. ಮಾರನೆಯ ದಿನ ಆಕೆಗೆ ಪ್ರಜ್ಞೆ ಬಂದಿದ್ದು, ಸಾವರಿಸಿಕೊಂಡು ಸ್ಥಳೀಯ ಪೊಲೀಸ್ ಠಾಣೆಗೆ ಹೋಗಿ ದೂರು ನೀಡುತ್ತಾಳೆ. ಪ್ರಸ್ತುತ ಯುವತಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆಸ್ಪತ್ರೆಯಿಂದಲೇ ಯುವತಿಯ ಹೇಳಿಕೆ ದಾಖಲಿಸಿಕೊಳ್ಳಲಾಗಿದ್ದು,
