ನವದೆಹಲಿ: ಅಲಿಪುರ್ದೌರ್ ಟ್ರಾನ್ಸ್ಮಿಷನ್ ಲಿಮಿಟೆಡ್ (ಎಟಿಎಲ್) ನ್ನು ಕಲ್ಪತರು ಪವರ್ ಟ್ರಾನ್ಸ್ಮಿಷನ್ ಲಿಮಿಟೆಡ್ (ಕೆಪಿಟೆಲ್) ಅದಾನಿ ಟ್ರಾನ್ಸ್ಮಿಷನ್ ಲಿಮಿಟೆಡ್ ಗೆ 1,286 ಕೋಟಿ ರೂಪಾಯಿಗಳಿಗೆ ಮಾರಾಟ ಮಾಡುವುದಾಗಿ ಹೇಳಿದೆ.
ಕೆಪಿಟಿಎಲ್ ನ ಅಂಗಸಂಸ್ಥೆಯಾಗಿರುವ ಎಟಿಎಲ್ ನ್ನು ಭೂತಾನ್ ನಿಂದ ಭಾರತಕ್ಕೆ ಹೈಡ್ರೋ ಎಲೆಕ್ಟ್ರಿಕ್ ಯೋಜನೆಗಳಿಂದ ವಿದ್ಯುತ್ ಪ್ರಸರಣಕ್ಕಾಗಿ ಸ್ಥಾಪಿಸಲಾಗಿತ್ತು.
325 ಕಿ.ಮೀ ನಷ್ಟಿರುವ 400 ಕೆ.ವಿ ಟ್ರಾನ್ಸ್ಮಿಷನ್ ಲೈನ ವಿನ್ಯಾಸ, ಹಣಕಾಸು ನಿರ್ವಹಣೆ, ನಿರ್ಮಾಣ, ಕಾರ್ಯನಿರ್ವಹಣೆ ಈ ಯೋಜನೆಯ ಭಾಗವಾಗಿತ್ತು. ಈ ಮಾರಾಟದ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಕೆಪಿಟಿಎಲ್ ನ ಸಿಇಒ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ಮನೀಷ್ ಮೊಹ್ನೋತ್, 2019-20 ನೇ ಸಾಲಿನಲ್ಲಿ ಸಂಸ್ಥೆ ಸತ್ಪುರ ಟ್ರಾನ್ಸ್ಮಿಷನ್ ಅಸೆಟ್ ನ್ನು ಪೂರ್ಣಗೊಳಿಸಿ ಮಾರಾಟ ಮಾಡಿದೆ.
2020-21 ರಲ್ಲಿ ಟಿ&ಡಿ ಅಸೆಟ್ ಗಳನ್ನು ಪೂರ್ಣಗೊಳಿಸಿ ಮಾರಾಟ ಮಾಡುವ ಗುರಿ ಹೊಂದಲಾಗಿದೆ ಎಂದು ಮನೀಷ್ ಮಹ್ನೋತ್ ಹೇಳಿದ್ದು ಇದರಿಂದಾಗಿ ಜಾಗತಿಕ ಇಪಿಸಿ ಮಾರುಕಟ್ಟೆಯಲ್ಲಿ ಕೆಪಿಟಿಎಲ್ ನ ಬೆಳವಣಿಗೆ ಕಾರ್ಯತಂತ್ರಕ್ಕೆ ಮತ್ತಷ್ಟು ಬಲ ಬರಲಿದೆ ಎಂದಿದ್ದಾರೆ.
Advertisement