ಡೆಹ್ರಾಡೂನ್: ಮಹಿಳೆಯ ಮಾತು ಕೇಳಿ ಪ್ರಧಾನಿ ನರೇಂದ್ರ ಮೋದಿ ಭಾವುಕರಾಗಿ ಕಣ್ಣೀರಿಟ್ಟ ಅಪರೂಪದ ಘಟನೆಗೆ ಉತ್ತರಾಖಂಡ್ ನಲ್ಲಿ ನಡೆದ ಭಾರತೀಯ ಜನೌಷಧಿ ಪರಿಯೋಜನಾ ಫಲಾನುಭವಿಗಳೊಂದಿಗೆ ಮಾ.07 ರಂದು ನಡೆದ ಸಂವಾದದ ಕಾರ್ಯಕ್ರಮ ಸಾಕ್ಷಿಯಾಯಿತು.
ಪ್ರಧಾನಿ ಮೋದಿ ಅವರೊಂದಿಗೆ ಮಾತನಾಡಿದ ಜನೌಷಧಿ ಪರಿಯೋಜನಾ ಫಲಾನುಭವಿ ಮಹಿಳೆ, ದುಬಾರಿ ಮೊತ್ತದ ಔಷಧಿಗಳು ಸರ್ಕಾರದಿಂದ ಅಗ್ಗದ ದರದಲ್ಲಿ ಲಭ್ಯವಾಗುತ್ತಿರುವುದರಿಂದ ತಮಗೆ ಅತ್ಯಂತ ಉಪಯೋಗಕಾರಿಯಾಗಿದೆ. ನಾನು ದೇವರನ್ನು ನೋಡಿಲ್ಲ, ಮೋದಿ ಜೀ ಆದರೆ ನಿಮ್ಮನ್ನು ದೇವರ ರೂಪದಲ್ಲಿ ನೋಡುತ್ತಿದ್ದೇನೆ ನಿಮಗೆ ನನ್ನ ಧನ್ಯವಾದಗಳು ಎಂದು ಮಹಿಳೆ ಹೇಳಿದರು ಎಂದು ಭಾವುಕರಾಗಿ ನುಡಿದರು. ಈ ಮಾತು ಕೇಳುತ್ತಿದ್ದಂತೆಯೇ ಪ್ರಧಾನಿ ಮೋದಿ ಸಹ ಭಾವುಕರಾಗಿ ಕಣ್ಣೀರಾದರು.
ಮಹಿಳೆಯ ಮಾತಿಕೆ ಪ್ರತಿಕ್ರಿಯೆ ನೀಡಿರುವ ಪ್ರಧಾನಿ ಮೋದಿ, ಆರೋಗ್ಯ ಸಮಸ್ಯೆಯನ್ನು ಎದುರಿಸಿ ಅದರಿಂದ ಹೊರಬಂದಿರುವ ನಿಮ್ಮ ಇಚ್ಛಾಶಕ್ತಿಯೇ ಎಲ್ಲಕ್ಕಿಂತ ಮಿಗಿಲಾದ ದೇವರು, ನಿಮ್ಮ ಆತ್ಮವಿಶ್ವಾಸ ಹೀಗೆಯೇ ಇರಬೇಕೆಂದು ಹೇಳಿದರು.
Advertisement