ಡ್ರಗ್‌ ಮಾಫಿಯಾ ಕುರಿತು ಸಂಸದೆ ಜಯಾ ಬಚ್ಚನ್‌ ಬೇಜವಾಬ್ದಾರಿ ಹೇಳಿಕೆ ನೀಡಿದ್ದಾರೆ: ಬಿಜೆಪಿ

ಹೈದರಾಬಾದ್‌: ಸಂಸತ್ತಿನ ಮೇಲ್ಮನೆಯ ಕಲಾಪದ ವೇಳೆ ಸಮಾಜವಾದಿ ಪಕ್ಷದ ಸದಸ್ಯರಾದ ಜಯಾ ಬಚ್ಚನ್‌ ತಮ್ಮ ಬೇಜವಾಬ್ದಾರಿತನ ತೋರಿದ್ದಾರೆ ಎಂದು ತೆಲಂಗಾಣದ ಬಿಜೆಪಿ ಘಟಕ ಆರೋಪಿಸಿದೆ.

ಜಯಾ ಬಚ್ಚನ್ ಅವರು ಮಂಗಳವಾರ ಪಟ್ಟಬದ್ಧ ಹಿತಾಸಕ್ತಿ ಉಳ್ಳವರಂತೆ ಮಾತನಾಡಿದರು ಎಂದು ಬಿಜೆಪಿ ರಾಜ್ಯ ಮುಖ್ಯ ವಕ್ತಾರ ಕೆ.ಕೃಷ್ಣ ಸಾಗರ್‌ ರಾವ್‌ ಹೇಳಿದ್ದಾರೆ.

ಜಯಾ ಬಚ್ಚನ್ ಅವರು ತಮ್ಮ ಮಾತಿನಲ್ಲಿ ಡ್ರಗ್‌ ಮಾಫಿಯಾ, ಅದರಿಂದ ದೇಶದ ಯುವ ಜನಾಂಗದ ಮೇಲಾಗುತ್ತಿರುವ ಹಾನಿ, ಅವಲಂಬನೆ ಮತ್ತು ಪೆಡ್ಲರ್‌ ಕುರಿತು ಪ್ರಸ್ತಾಪಿಸಿಲ್ಲ ಎಂದರು. 

ಸಂಸತ್ತಿನಲ್ಲಿ ಜಯಾ ಬಚ್ಚನ್ ಅವರು ಶೂನ್ಯ ವೇಳೆಯಲ್ಲಿ ದುಃಖಕರ ಸಂಗತಿಯೆಂದರೆ ಕೆಲವರು ತಿನ್ನುವ ತಟ್ಟೆಯಲ್ಲಿ ರಂಧ್ರಗಳನ್ನು ಮಾಡುತ್ತಾರೆ. ಕೆಲವೇ ಜನರ ಕಾರಣದಿಂದಾಗಿ ಇಂದು ಮನರಂಜನಾ ಉದ್ಯಮವು ಟೀಕೆಗೆ ಬಲಿಯಾಗುತ್ತಿದೆ. ಇದು ಸುಮಾರು 5 ಲಕ್ಷ ಜನರಿಗೆ ನೇರ ಉದ್ಯೋಗವನ್ನು ನೀಡುತ್ತಿದೆ ಎಂದಿದ್ದರು.