ಮಿರ್ವಾಜಾ ಫಾರೂಕ್ ಹತ್ಯೆ: 33 ವರ್ಷಗಳ ಬಳಿಕ ಹಿಜ್ಬುಲ್ ನ ಇಬ್ಬರ ಬಂಧನ! 

ಶ್ರೀನಗರ: ಜಮ್ಮು-ಕಾಶ್ಮೀರ ಪೊಲೀಸರು 33 ವರ್ಷಗಳ ಹಿಂದೆ ನಡೆದಿದ್ದ ಕಣಿವೆಯ ಮೌಲ್ವಿ ಮಿರ್ವಾಜಾ ಮೊಹಮ್ಮದ್ ಫರೂಕ್ ಹತ್ಯೆ ಪ್ರಕರಣದ ಸಂಬಂಧ ಇಬ್ಬರು ವ್ಯಕ್ತಿಗಳನ್ನು ಬಂಧಿಸಿದ್ದಾರೆ. 

ಹಿಜ್ಬುಲ್ ಮುಜಾಹಿದ್ದೀನ್ ದಾಳಿಕೋರರ ಗುಂಡೇಟಿಗೆ ಮಿರ್ವಾಜಾ ಮೊಹಮ್ಮದ್ ಬಲಿಯಾಗಿದ್ದರು.  ಈ ಪ್ರಕರಣದಲ್ಲಿ ಭಾಗಿಯಾಗಿದ್ದ ಇಬ್ಬರನ್ನು ಈಗ ಬಂಧಿಸಲಾಗಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ. 

ಜಮ್ಮು-ಕಾಶ್ಮೀರದ ಸಿಐಡಿ ವಿಭಾಗದ ವಿಶೇಷ ಡಿಜಿ, ಆರ್ ಆರ್ ಸ್ವೈನ್ ಈ ಬಗ್ಗೆ ಮಾಹಿತಿ ನೀಡಿದ್ದು ಎಸ್ಐಎ ಜಾವೇದ್ ಭಟ್ ಹಾಗೂ ಜಹೂರ್ ಭಟ್ ಎಂಬ ಇಬ್ಬರನ್ನು ಬಂಧಿಸಿದೆ ಈ ಇಬ್ಬರೂ 1990 ರ ಮೇ. 21 ರಂದು ಮಿರ್ವಾಜಾ ಫಾರೂಕ್ ಅವರನ್ನು ಹತ್ಯೆ ಮಾಡಿ ಇನ್ನೊಬ್ಬರೊಂದಿಗೆ ಪರಾರಿಯಾಗಿದ್ದರು. 

ಎಲ್ಲಿಂದ ಈ ಇಬ್ಬರನ್ನೂ ಬಂಧಿಸಲಾಗಿದೆ ಎಂಬುದರ ಬಗೆಗಿನ ವಿವರಗಳನ್ನು ಅಧಿಕಾರಿಗಳು ಬಹಿರಂಗಪಡಿಸಿಲ್ಲ.