ಉತ್ತರ ಪ್ರದೇಶದಲ್ಲಿ ಸಿಎಂ ಯೋಗಿ ಬದಲಾವಣೆ?: ಬಿಜೆಪಿ ಮೂಲಗಳು ಹೇಳಿದಿಷ್ಟು!

ಲಖನೌ: ಇತ್ತೀಚಿನ ಲೋಕಸಭೆ ಚುನಾವಣೆಯಲ್ಲಿ ಪಕ್ಷದ ಸೋಲಿನ ನಂತರ ರಾಜ್ಯ ಸರ್ಕಾರ ಮತ್ತು ಉತ್ತರಪ್ರದೇಶದ ಬಿಜೆಪಿ ಸಂಘಟನೆಯಲ್ಲಿ 'ಪ್ರಮುಖ ನಾಯಕತ್ವ ಬದಲಾವಣೆ' ಊಹಾಪೋಹಗಳು ಎದ್ದಿದ್ದವು. ಈ ಬಗ್ಗೆ ಪಕ್ಷವು ಯಾವುದೇ ಅಚ್ಚರಿಯ ಬದಲಾವಣೆಗೆ ಕುರಿತಂತೆ ಯೋಚಿಸಿಲ್ಲ ಎಂದು ಉನ್ನತ ಬಿಜೆಪಿ ಮೂಲಗಳು ಹೇಳಿವೆ. ಆದಾಗ್ಯೂ, ಪಕ್ಷದ ವರಿಷ್ಠರು ಸಾಂಸ್ಥಿಕ ಕೂಲಂಕುಷ ಪರೀಕ್ಷೆಗೆ ಮಾತ್ರವಲ್ಲದೆ ಇನ್ನು ಯೋಗಿ ಆದಿತ್ಯನಾಥ್ ಸಂಪುಟ ಪುನರಚನೆಗೆ ಸಿದ್ಧತೆ ನಡೆಸುತ್ತಿದ್ದಾರೆ.

ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಜೆಪಿ ನಡ್ಡಾ ಅವರನ್ನು ಉತ್ತರಪ್ರದೇಶದ ಉಪಮುಖ್ಯಮಂತ್ರಿ ಕೇಶವ್ ಮೌರ್ಯ ಮತ್ತು ಯುಪಿ ಬಿಜೆಪಿ ರಾಜ್ಯಾಧ್ಯಕ್ಷ ಭೂಪೇಂದ್ರ ಚೌಧರಿ ಭೇಟಿಯಾದ ನಂತರ 'ದೊಡ್ಡ ನಾಯಕತ್ವ ಬದಲಾವಣೆ' ಕುರಿತ ಊಹಾಪೋಹಗಳಿಗೆ ಮತ್ತಷ್ಟು ಪ್ರಾಮುಖ್ಯತೆ ಸಿಕ್ಕಿತ್ತು. ರಾಜ್ಯ ಬಿಜೆಪಿ ಮುಖ್ಯಸ್ಥರಾಗಿ ಕೇಶವ್ ಮೌರ್ಯ ನೇತೃತ್ವದಲ್ಲಿ 2017ರಲ್ಲಿ ವಿಧಾನಸಭೆ ಚುನಾವಣೆಯಲ್ಲಿ ಭಾರಿ ಬಹುಮತದೊಂದಿಗೆ ಗೆದ್ದಿದ್ದರೂ, ಯೋಗಿ ಆದಿತ್ಯನಾಥ್ ಸಿಎಂ ಆಗಿ ಆಯ್ಕೆಯಾದ ನಂತರ ಯೋಗಿ-ಮೌರ್ಯ ನಡುವೆ ಒಳಜಗಳ ನಡೆಯುತ್ತಲೇ ಬಂದಿದೆ.

ಆದಾಗ್ಯೂ, ಮೌರ್ಯ ಮತ್ತು ಭೂಪೇಂದ್ರ ಚೌಧರಿ ಇಬ್ಬರಿಗೂ ರಾಷ್ಟ್ರೀಯ ಅಧ್ಯಕ್ಷರು ರಾಜ್ಯ ಸರ್ಕಾರ ಮತ್ತು ಪಕ್ಷದ ಸಂಘಟನೆಯ ನಡುವಿನ ಬೇಗುದಿಯನ್ನು ಪ್ರತಿಪಕ್ಷಗಳು ಬಳಸಿಕೊಳ್ಳುವ ಸಾಧ್ಯತೆ ಹಿನ್ನೆಲೆಯಲ್ಲಿ ಈ ಆಂತರಿಕ ಕಲಹದ ವದಂತಿಯನ್ನು ಹತ್ತಿಕ್ಕಲು ಸೂಚಿಸಿದ್ದಾರೆ ಎಂದು ವರದಿಯಾಗಿದೆ.

ಮೂಲಗಳ ಪ್ರಕಾರ, ಪ್ರಧಾನ ಮಂತ್ರಿ ಭೂಪೇಂದ್ರ ಚೌಧರಿ ಅವರೊಂದಿಗೆ ಪ್ರಮುಖ ಸಂಘಟನೆಯ ವಿಷಯಗಳ ಬಗ್ಗೆ ಚರ್ಚಿಸಿದರು. 2019ರಲ್ಲಿ ಪಕ್ಷವು 62 ರಿಂದ 33 ಸ್ಥಾನಗಳಿಗೆ ಕುಸಿದ ಲೋಕಸಭಾ ಚುನಾವಣೆಯ ಸೋಲಿನಿಂದ ಪುಟಿದೇಳುವ ಉದ್ದೇಶದಿಂದ ಒಬಿಸಿ ನಾಯಕನನ್ನು ತನ್ನ ರಾಜ್ಯ ಮುಖ್ಯಸ್ಥರನ್ನಾಗಿ ಮಾಡಲು ಬಿಜೆಪಿ ಉತ್ಸುಕವಾಗಿದೆ ಎಂದು ತಿಳಿದುಬಂದಿದೆ. ಇನ್ನು ಉತ್ತರಪ್ರದೇಶದ ವಿಧಾನಸಭೆ ಚುನಾವಣೆ 2027ರಲ್ಲಿ ನಡೆಯುವುದರಿಂದ ಬಿಜೆಪಿ ಸಹ ಕಸರತ್ತು ನಡೆಸಲಿದೆ.

ಪ್ರಸ್ತುತ ಯುಪಿ ಬಿಜೆಪಿ ಮುಖ್ಯಸ್ಥರು ಜಾಟ್ ಸಮುದಾಯದಿಂದ ಬಂದಿದ್ದು ಮೂರು ಕೃಷಿ ಕಾನೂನುಗಳಿಂದಾಗಿ ಬಿಜೆಪಿ ವಿರುದ್ಧ ಸಮುದಾಯದೊಳಗಿನ ಅಸಮಾಧಾನವನ್ನು ತಣಿಸಲು ಅವರನ್ನು 2022ರಲ್ಲಿ ನೇಮಿಸಲಾಯಿತು. ಆದಾಗ್ಯೂ, ಈಗ ಪಕ್ಷದ ನಾಯಕತ್ವವು 2024ರ ಲೋಕಸಭೆ ಚುನಾವಣೆಯಲ್ಲಿ ಅದರಿಂದ ಸ್ವಲ್ಪ ದೂರ ಸರಿದ ಸಮುದಾಯವನ್ನು ಓಲೈಸುವ ಪ್ರಯತ್ನದಲ್ಲಿ ಚೌಧರಿ ಅವರನ್ನು ಒಬಿಸಿ ನಾಯಕನಿಂದ ಬದಲಾಯಿಸಲು ನೋಡುತ್ತಿದೆ. ಗಮನಾರ್ಹವಾಗಿ, ರಾಜ್ಯದ ಜನಸಂಖ್ಯೆಯ ಶೇಕಡಾ 42ಕ್ಕಿಂತ ಹೆಚ್ಚಿನ ಸಂಖ್ಯೆಯಲ್ಲಿ OBC ಗಳು ಗಣನೀಯ ಪ್ರಮಾಣದಲ್ಲಿದ್ದಾರೆ.

2017 ಮತ್ತು 2022ರಲ್ಲಿ ಕಳೆದ ಎರಡು ವಿಧಾನಸಭಾ ಚುನಾವಣೆಯಲ್ಲಿ ಭರ್ಜರಿ ಗೆಲುವು ಸಾಧಿಸಿದ ನಂತರ, ಬಿಜೆಪಿ ಹ್ಯಾಟ್ರಿಕ್ ಸಾಧಿಸಲು ಯಾವುದೇ ಕಲ್ಲನ್ನು ಬಿಡುವುದಿಲ್ಲ. ಇದರಿಂದಾಗಿ ಪಕ್ಷ ಸಂಘಟನೆಯಲ್ಲಿ ವ್ಯಾಪಕ ಹಾಗೂ ದೊಡ್ಡ ಬದಲಾವಣೆಯಾಗುವ ಸಾಧ್ಯತೆ ಇದೆ.

ಬಿಜೆಪಿ ಮೂಲಗಳ ಪ್ರಕಾರ, ಮೊದಲ ಮತ್ತು ಪ್ರಮುಖ ಬದಲಾವಣೆಯು ಯೋಗಿ ಸಚಿವ ಸಂಪುಟದ ಪುನರ್ರಚನೆ ಮತ್ತು ವಿಸ್ತರಣೆ ಮತ್ತು ನಂತರ ಸಂಘಟನೆಯಲ್ಲಿ ಪ್ರಮುಖ ಬದಲಾವಣೆಯಾಗಬಹುದು. ಕ್ಯಾಬಿನೆಟ್ ಪುನರ್ರಚನೆ ಮತ್ತು ವಿಸ್ತರಣೆಯು ಜಾತಿ ಸಮೀಕರಣಗಳು, ಸಾಮಾಜಿಕ ಎಂಜಿನಿಯರಿಂಗ್ ಮತ್ತು 2024ರ ಲೋಕಸಭಾ ಚುನಾವಣೆಯಲ್ಲಿ ಪಕ್ಷವು ಸೋತ ಸ್ಥಾನಗಳ ರಾಜಕೀಯ ದೃಷ್ಟಿಕೋನವನ್ನು ಒಳಗೊಂಡಿರುತ್ತದೆ.