'ಟಾಯ್ಲೆಟ್ ಗೇಟ್': ವೈಯಕ್ತಿಕ ಬಳಕೆಗೆ ಶೌಚಾಲಯ ಲಾಕ್ ಮಾಡಿಕೊಂಡ ಸಿಬ್ಬಂದಿ, ಇಂಡಿಗೋ ಪ್ರಯಾಣಿಕರ ಆರೋಪ

ನವದೆಹಲಿ: ಇಂಡಿಗೋ ವಿಮಾನದಲ್ಲಿ ಪ್ರಯಾಣ ಮಾಡಿದ ಅಧಿಕಾರಿಯೊಬ್ಬರು, ಮಹಿಳೆಯೊಬ್ಬರು ಶೌಚಾಲಯದೊಳಗೆ ಇರುವಾಗ ಅಕ್ರಮವಾಗಿ ಪ್ರವೇಶಿಸಿದ್ದರು ಎಂದು ಆರೋಪಿಸಿದ ಬೆನ್ನಲ್ಲೇ, ಹಿರಿಯ ವಿಮಾನಯಾನ ವೃತ್ತಿಪರರೊಬ್ಬರು ವಿಮಾನಯಾನ ಸಂಸ್ಥೆಯ ವಿರುದ್ಧ ಮತ್ತೊಂದು ಗಂಭೀರ ಆರೋಪ ಹೊರಿಸಿದ್ದಾರೆ. ಈ ಬಾರಿ, ಸಿಬ್ಬಂದಿ ಮೂರು ಶೌಚಾಲಯಗಳಲ್ಲಿ ಒಂದನ್ನು ತಮ್ಮ ವೈಯಕ್ತಿಕ ಬಳಕೆಗಾಗಿ ಕಾಯ್ದಿರಿಸಿದ್ದರಿಂದ 200 ಕ್ಕೂ ಹೆಚ್ಚು ಪ್ರಯಾಣಿಕರಿಗೆ ತೊಂದರೆಯುಂಟಾಯಿತು ಎಂದು ಆರೋಪಿಸಿದ್ದಾರೆ.

ಅವಿಯಾಲಾಜ್ ಕನ್ಸಲ್ಟೆಂಟ್ಸ್‌ನ ಸಿಇಒ, ವಾಯುಯಾನ ತಜ್ಞ ಸಂಜಯ್ ಲಾಜರ್ ಅವರು ಈ ಘಟನೆಯನ್ನು ಸೋಷಿಯಲ್ ಮೀಡಿಯಾದಲ್ಲಿ ಬರೆದು"ಟಾಯ್ಲೆಟ್‌ಗೇಟ್" ಎಂದು ಕರೆದಿದ್ದಾರೆ. ಈ ಘಟನೆ ಆಗಸ್ಟ್ 21 ರಂದು ಪುಣೆಯಿಂದ ದೆಹಲಿಗೆ ಹೋಗುವ 6E 2624 ವಿಮಾನದಲ್ಲಿ ನಡೆದಿದೆ.

ಎಕ್ಸ್ ಖಾತೆಯಲ್ಲಿ ಇಂಡಿಗೋ ಮತ್ತು ಅದರ ಸಿಇಒ ಅವರನ್ನು ಟ್ಯಾಗ್ ಮಾಡಿ, ಲಾಜರ್, ನಿಮ್ಮ ವಿಮಾನ ಸಿಬ್ಬಂದಿ ಸಣ್ಣ ವಿಮಾನಗಳಲ್ಲಿ ತಮ್ಮ ವೈಯಕ್ತಿಕ ಬಳಕೆಗಾಗಿ ಶೌಚಾಲಯಗಳನ್ನು ಯಾವಾಗಿನಿಂದ ಲಾಕ್ ಮಾಡಲು ಆರಂಭಿಸಿದರು ಎಂದು ಕೇಳಿದ್ದಾರೆ.

ಈ ಅಭ್ಯಾಸ ಅಪಾಯಕಾರಿ, ಕಾನೂನುಬಾಹಿರ ಮತ್ತು ಪ್ರಯಾಣಿಕರ ಹಕ್ಕುಗಳ ಉಲ್ಲಂಘನೆಯಾಗಿದೆ, ಜೊತೆಗೆ ಇದು ಅಸಹ್ಯಕರ ಮತ್ತು ಅನೈತಿಕ ಕೆಲಸದ ಅಭ್ಯಾಸವಾಗಿದೆ ಎಂದು ಅವರು ಬರೆದಿದ್ದಾರೆ.

ಇಂಡಿಗೊ ವಿಮಾನದಲ್ಲಿ ಹಿಂಭಾಗದ ಎರಡು ಶೌಚಾಲಯಗಳ ಹೊರಗೆ, ಎಫ್ ಮತ್ತು ಜಿ ಎಂದು ಗುರುತಿಸಲಾದ ಇತರ ಪ್ರಯಾಣಿಕರೊಂದಿಗೆ ತಾನು ಸರತಿ ಸಾಲಿನಲ್ಲಿ ನಿಂತಿದ್ದಾಗಿ ಲಾಜರ್ ಹೇಳಿದರು. ಟಾಯ್ಲೆಟ್ ಎಫ್ ಬಳಕೆಯಲ್ಲಿದ್ದಾಗ, ಟಾಯ್ಲೆಟ್ ಜಿ ಲಾಕ್ ಆಗಿತ್ತು ಎಂದು ವಿವರಿಸಿದ್ದಾರೆ.

“ಒಂದು ಟಾಯ್ಲೆಟ್ (F) ನಿಂದ ಕನಿಷ್ಠ ನಾಲ್ಕು ಪ್ರಯಾಣಿಕರು ಒಳಗೆ ಮತ್ತು ಹೊರಗೆ ಬಂದರು ಆದರೆ ಇನ್ನೊಂದು, ಜಿ ದೃಢವಾಗಿ ಲಾಕ್ ಆಗಿತ್ತು. ನಾನು ಹಿಂಭಾಗದ ಗ್ಯಾಲಿ ಸಿಬ್ಬಂದಿಯನ್ನು ಅದನ್ನು ಆಕ್ರಮಿಸಿಕೊಂಡಿದ್ದೀರಾ ಅಥವಾ ಲಾಕ್ ಮಾಡಲಾಗಿದೆಯೇ ಎಂದು ಕೇಳಿದೆ. ಒಳಗೆ ಒಬ್ಬ ಮಹಿಳೆ ಇದ್ದಾರೆ ಎಂದರು ಎಂದು ಅವರು ಶೌಚಾಲಯಗಳ ಫೋಟೋಗಳನ್ನು ಪೋಸ್ಟ್ ಮಾಡಿ ವಿವರಿಸಿದ್ದಾರೆ.

ವಿಮಾನಯಾನ ಸಂಸ್ಥೆ ವೃತ್ತಿಪರವಾಗಿದೆ ಎಂದು ತೋರಿಸಲು ಆಸನ ಸಾಮರ್ಥ್ಯ, ವಿಮಾನ ಕರ್ತವ್ಯದ ಸಮಯದ ಮಿತಿಗಳು ಮತ್ತು ಹಾರಾಟದ ಮಾದರಿಗಳ ಬಗ್ಗೆ ಸಿಬ್ಬಂದಿಯನ್ನು ಪ್ರಶ್ನಿಸಿದೆ. ಆದರೆ ಅವರು ಅರ್ಥಮಾಡಿಕೊಳ್ಳಲು ವಿಫಲರಾದರು. ನಂತರ ಒಬ್ಬ ಮಹಿಳಾ ಪ್ರಯಾಣಿಕರು ಟಾಯ್ಲೆಟ್ ಎಫ್ ನಿಂದ ಹೊರಬಂದು ಸೋಪ್ ಇಲ್ಲ ಎಂದು ದೂರು ನೀಡಿದರು. ನಂತರ ಸಿಬ್ಬಂದಿ ಅದನ್ನು ಬಳಸಲು ನಿರ್ದೇಶಿಸಿದರು ಎಂದಿದ್ದಾರೆ ಸಂಜಯ್ ಲಾಜರ್.

ಇದೆಲ್ಲವೂ ತುಂಬಾ ವಿಚಿತ್ರವೆನಿಸಿತು ಎಂದು ಅವರು ಬರೆದಿದ್ದಾರೆ, 37 ವರ್ಷಗಳ ಕಾಲ ವಿಮಾನಯಾನ ಸಂಸ್ಥೆಯಲ್ಲಿ ಹಾರಾಟ ನಡೆಸಿದ್ದ ನನಗೆ, ಇದು ಸಿಬ್ಬಂದಿಯ ವಂಚನೆಯ ಆಟ ಎಂದು ಅರಿವಾಯಿತು ಎಂದು ಆರೋಪಿಸಿದ್ದಾರೆ.

ಈ ಕೃತ್ಯವನ್ನು ನಾಚಿಕೆಗೇಡಿನ ಸಂಗತಿ ಎಂದು ಕರೆದ ಲಾಜರ್, ಎರಡು ಗಂಟೆಗಳ ವಿಮಾನ ಪ್ರಯಾಣದಲ್ಲಿ 224 ಪ್ರಯಾಣಿಕರಿದ್ದರು. ಹಿಂಭಾಗದಲ್ಲಿ ಕೇವಲ ಎರಡು ಶೌಚಾಲಯಗಳು ಮಾತ್ರ ಲಭ್ಯವಿತ್ತು. ಪ್ರಯಾಣಿಕರಿಗೆ ತುಂಬಾ ಅನನುಕೂಲವಾಯಿತು ಎಂದಿದ್ದಾರೆ.

ಸಿಬ್ಬಂದಿಯೊಂದಿಗೆ ಈ ಸಮಸ್ಯೆಯನ್ನು ಪ್ರಸ್ತಾಪಿಸಿದ ಲಾಜರ್, ಅದನ್ನು ವರದಿ ಮಾಡಲು ಹೇಳಿ ವಿಶೇಷವಾಗಿ ಗಮನಹರಿಸುವಂತೆ ಹೇಳಿದರು. ಸಿಬ್ಬಂದಿ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಅವರು ವಾಯುಯಾನ ನಿಯಂತ್ರಕ, ನಾಗರಿಕ ವಿಮಾನಯಾನ ನಿರ್ದೇಶನಾಲಯ, ನಾಗರಿಕ ವಿಮಾನಯಾನ ಸಚಿವಾಲಯ ಮತ್ತು ಕೇಂದ್ರ ವಿಮಾನಯಾನ ಸಚಿವ ರಾಮ್ ಮೋಹನ್ ನಾಯ್ಡು ಅವರಿಗೆ ಮನವಿ ಮಾಡಿದ್ದಾರೆ.

ಇದಕ್ಕೆ ಪ್ರತಿಕ್ರಿಯೆಯಾಗಿ, ಇಂಡಿಗೋ ಘಟನೆ ಬಗ್ಗೆ ತನಿಖೆ ಪ್ರಾರಂಭಿಸಿದ್ದೇವೆ ಎಂದು ಹೇಳಿದೆ. ಆದರೆ ಮಾಧ್ಯಮ ಪ್ರಕಟಣೆ ಬಿಡುಗಡೆ ಮಾಡಲಿಲ್ಲ.