ಭಾರತ- ಪಾಕ್ ಯುದ್ಧದ ಕಥೆ: Akshay Kumar ನಟನೆಯ Sky Force ಮೊದಲ ದಿನದ ಗಳಿಕೆ 15.30 ಕೋಟಿ ರೂ!

ಮುಂಬೈ: ಅಕ್ಷಯ್ ಕುಮಾರ್ ಮತ್ತು ವೀರ್ ಪಹರಿಯಾ ನಟಿಸಿರುವ ಆಕ್ಷನ್ ಚಿತ್ರ Sky Force , ದೇಶೀಯ ಬಾಕ್ಸ್ ಆಫೀಸ್‌ನಲ್ಲಿ ಮೊದಲ ದಿನದಂದು 15.30 ಕೋಟಿ ರೂ. ಗಳಿಸಿದೆ ಎಂದು ತಯಾರಕರು ಶನಿವಾರ ಘೋಷಿಸಿದ್ದಾರೆ.

ಭಾರತದ ಮೊದಲ ಮತ್ತು ಅತ್ಯಂತ ಮಾರಕ ವಾಯುದಾಳಿಯ ಕಥೆಯಾಗಿರುವ ಈ ಚಿತ್ರ ಶುಕ್ರವಾರ ದೇಶಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು.

ನಿರ್ಮಾಪಕ ದಿನೇಶ್ ವಿಜನ್ ಅವರ ಬ್ಯಾನರ್ ಮ್ಯಾಡಾಕ್ ಫಿಲ್ಮ್ಸ್ ತನ್ನ ಅಧಿಕೃತ ಸಾಮಾಜಿಕ ಮಾಧ್ಯಮ ಹ್ಯಾಂಡಲ್‌ಗಳಲ್ಲಿ ಚಿತ್ರದ ಆರಂಭಿಕ ದಿನದ ಬಾಕ್ಸ್ ಆಫೀಸ್ ಸಂಖ್ಯೆಗಳನ್ನು ಹಂಚಿಕೊಂಡಿದೆ.

"ಫೋರ್ಸ್ ಬಾಕ್ಸ್ ಆಫೀಸ್‌ನಲ್ಲಿ ಗಗನಕ್ಕೇರುವ ಆರಂಭವನ್ನು ಪಡೆಯುತ್ತಿದೆ! ಸಾಹಸ, ಶೌರ್ಯ ಮತ್ತು ತ್ಯಾಗದ ಈ ನಿಜವಾದ ಕಥೆ ಹೃದಯಗಳನ್ನು ಗೆಲ್ಲುತ್ತದೆ ಮತ್ತು ಪ್ರೀತಿಯನ್ನು ಹರಡುತ್ತಿದೆ" ಎಂದು ಮ್ಯಾಡಾಕ್ ಫಿಲ್ಮ್ಸ್ ಬರೆದಿದೆ.

ಸಂದೀಪ್ ಕೆಲ್ವಾನಿ ಮತ್ತು ಅಭಿಷೇಕ್ ಕಪೂರ್ ಈ ಚಿತ್ರಕ್ಕೆ ಸಹ ನಿರ್ದೇಶಕರಾಗಿದ್ದಾರೆ. ಇದು ಪಹರಿಯಾ ಅವರ ನಟನೆಯ ಚೊಚ್ಚಲ ಚಿತ್ರವೂ ಆಗಿದೆ.

ಈ ಚಿತ್ರ 1965 ರ ಭಾರತ-ಪಾಕಿಸ್ತಾನ ಯುದ್ಧದ ಸಮಯದಲ್ಲಿ ಕಾಣೆಯಾದ ಐಎಎಫ್ ಅಧಿಕಾರಿ ಟಿ ವಿಜಯ (ವೀರ್) ಪಾತ್ರಕ್ಕೆ ಸಂಬಂಧಿಸಿದ್ದಾಗಿದೆ. ವಿಜಯಾ ಅವರನ್ನು ಹುಡುಕುವ ಕಾರ್ಯಾಚರಣೆಯನ್ನು ಕೈಗೊಳ್ಳುವ ಐಎಎಫ್ ಅಧಿಕಾರಿ ಕೆ.ಒ. ಅಹುಜಾ ಪಾತ್ರದಲ್ಲಿ ಅಕ್ಷಯ್ ನಟಿಸಿದ್ದಾರೆ. ಸ್ಕೈ ಫೋರ್ಸ್‌ನಲ್ಲಿ ಸಾರಾ ಅಲಿ ಖಾನ್ ಮತ್ತು ನಿಮ್ರತ್ ಕೌರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.