ಸಭೆಯಲ್ಲಿ ಮಧ್ಯವಯಸ್ಕ ಗ್ರಾಮೀಣ ಮಹಿಳೆ ಹೆಗಲ ಮೇಲೆ ಕೈ ಹಾಕಿದ ನಿತೀಶ್: ಟೀಕೆ, ವಿವಾದ!

ಪಾಟ್ನ: ಕೇಂದ್ರ ಗೃಹ ಸಚಿವ ಅಮಿತ್ ಶಾ ಭಾಗವಹಿಸಿದ್ದ ಸಾರ್ವಜನಿಕ ಸಮಾರಂಭದಲ್ಲಿ ಮಹಿಳೆ ಯೊಬ್ಬರ ಹೆಗಲ ಮೇಲೆ ಕೈ ಇಟ್ಟಿದ್ದಕ್ಕಾಗಿ ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಅವರನ್ನು ರಾಷ್ಟ್ರೀಯ ಜನತಾ ದಳ ಟೀಕಿಸಿದೆ.

ಪಾಟ್ನಾದ ವಿಶಾಲವಾದ ಬಾಪು ಸಭಾಗರ್ ಸಭಾಂಗಣದಲ್ಲಿ ನಡೆದ ಕಾರ್ಯಕ್ರಮದ ವೀಡಿಯೊ ಕ್ಲಿಪ್ ನ್ನು ವಿರೋಧ ಪಕ್ಷ ಹಂಚಿಕೊಂಡಿದೆ. ಉಭಯ ನಾಯಕರು 800 ಕೋಟಿ ರೂ.ಗಳಿಗೂ ಹೆಚ್ಚು ಮೌಲ್ಯದ ಕೇಂದ್ರ ಮತ್ತು ರಾಜ್ಯ ಯೋಜನೆಗಳನ್ನು ಉದ್ಘಾಟಿಸಿದರು.

ಕೇಂದ್ರ ಸಹಕಾರ ಸಚಿವಾಲಯದ ಅಡಿಯಲ್ಲಿ ಯೋಜನೆಗಳ ಫಲಾನುಭವಿಗಳಿಗೆ ಶಾ "ಚೆಕ್"ಗಳನ್ನು ಸಹ ವಿತರಿಸಿದರು. ಈ ವೇಳೆ ಚೆಕ್ ಸ್ವೀಕರಿಸಲು ವೇದಿಕೆಗೆ ಆಗಮಿಸಿದ ಮಧ್ಯವಯಸ್ಕ ಗ್ರಾಮೀಣ ಮಹಿಳೆ, ಶಾ ತನ್ನನ್ನು ಛಾಯಾಚಿತ್ರಕ್ಕೆ ಪೋಸ್ ನೀಡುವಂತೆ ಕೇಳುತ್ತಿದ್ದನ್ನು ಅರ್ಥಮಾಡಿಕೊಳ್ಳಲು ವಿಫಲಳಾಗಿದ್ದಾಳೆ.

ಈ ಸಮಯದಲ್ಲಿ, 74 ವರ್ಷದ ಮುಖ್ಯಮಂತ್ರಿ ಆಕೆಯ ತೋಳನ್ನು ಎಳೆದುಕೊಂಡು ಪತ್ರಕರ್ತರು ಮತ್ತು ಛಾಯಾಗ್ರಾಹಕರ ಗುಂಪಿಗೆ ಎದುರಾಗಿ ನಿಲ್ಲುವಂತೆ ಮಾಡಿದರು.

ಆರ್‌ಜೆಡಿ ತನ್ನ ಎಕ್ಸ್ ಹ್ಯಾಂಡಲ್‌ನಲ್ಲಿ ಹಿಂದಿಯಲ್ಲಿ, "ಮುಖ್ಯಮಂತ್ರಿ ನಿತೀಶ್ ಕುಮಾರ್ ಗೃಹ ಸಚಿವ ಅಮಿತ್ ಶಾ ಅವರ ಸಮ್ಮುಖದಲ್ಲಿ ಆಕ್ಷೇಪಾರ್ಹ ರೀತಿಯಲ್ಲಿ ಮಹಿಳೆಯನ್ನು ತನ್ನ ಕಡೆಗೆ ಹೇಗೆ ಎಳೆಯುತ್ತಿದ್ದಾರೆಂದು ನೋಡಿ" ಎಂದು ಬರೆದಿದೆ.

"ಬಿಹಾರ ಮುಖ್ಯಮಂತ್ರಿ ಅನಾರೋಗ್ಯದಿಂದ ಬಳಲುತ್ತಿದ್ದು, ಬಿಜೆಪಿ ಅಸಹಾಯಕತೆಯಿಂದ ನಾಚಿಕೆಪಡುತ್ತಿದೆ" ಎಂದು ವಿರೋಧ ಪಕ್ಷ ಆರೋಪಿಸಿದೆ. ದೀರ್ಘ ಕಾಲ ಅಧಿಕಾರದಲ್ಲಿದ್ದ ಮುಖ್ಯಮಂತ್ರಿ ದೈಹಿಕವಾಗಿ ಮತ್ತು ಮಾನಸಿಕವಾಗಿ ಅಸ್ವಸ್ಥರಾಗಿದ್ದಾರೆ ಎಂದು ಆರ್ ಜೆಡಿ ಹೇಳಿದೆ.

ವರು ಮುಖ್ಯಮಂತ್ರಿಯಾದ ನಂತರ ಜಗತ್ತು ಅಸ್ತಿತ್ವಕ್ಕೆ ಬಂದಿತು" ಎಂದು ನಿತೀಶ್ ನಂಬಿದ್ದಾರೆ ಎಂದು ಆರ್ ಜೆಡಿ ಹೇಳಿದೆ. "2005 ಕ್ಕಿಂತ ಮೊದಲು ಯಾವುದೇ ಮುಖ್ಯಮಂತ್ರಿ ಈ ರೀತಿ ವರ್ತಿಸಿದ್ದಾರೆಯೇ? ನಾನು ಅಧಿಕಾರಕ್ಕೆ ಬಂದ ನಂತರವೇ ಇದು ಸಂಭವಿಸಿದೆ" ಎಂದು ಆರ್‌ಜೆಡಿ ಹೇಳಿದೆ.