ಚೆನ್ನೈ: ತಮಿಳುನಾಡು ವಿಧಾನಸಭಾ ಚುನಾವಣೆಯಲ್ಲಿ ಆಡಳಿತಾರೂಢ ಡಿಎಂಕೆ ಪಕ್ಷ ಕಂಡು ಕೇಳರಿಯದ ಸೋಲು ಎದುರಿಸುತ್ತಿದೆ.
ಅಚ್ಚರಿಯ ರೀತಿಯಲ್ಲಿ ಮೊದಲ ಚುನಾವಣೆಯಲ್ಲೇ ನಟ, ರಾಜಕಾರಣಿ ವಿಜಯ್ ಅವರ ಟಿವಿಕೆ ಪಕ್ಷ ಸ್ವತಂತ್ರವಾಗಿ ಅಧಿಕಾರಕ್ಕೇರುತ್ತಿದ್ದರೆ, ಹಲವು ಬಾರಿ ಆಡಳಿತ ನಡೆಸಿದ ಡಿಎಂಕೆ ಪಕ್ಷ ಅಧಿಕೃತ ವಿಪಕ್ಷ ಸ್ಥಾನವೂ ಸಿಗದೇ ಮೂರನೇ ಸ್ಥಾನಕ್ಕೆ ತಳ್ಳಲ್ಪಟ್ಟಿದೆ. ವಿಜಯ್ ನೇತೃತ್ವದ ಟಿವಿಕೆ 104 ಸ್ಥಾನಗಳಲ್ಲಿ, ಎಐಎಡಿಎಂಕೆ 64 ಸ್ಥಾನಗಳಲ್ಲಿ, ಡಿಎಂಕೆ 45 ಸ್ಥಾನಗಳಲ್ಲಿ ಮುನ್ನಡೆ ಸಾಧಿಸಿದ್ದರೆ, ಕಾಂಗ್ರೆಸ್ 5, ಪಿಎಂಕೆ 4 ಸ್ಥಾನಗಳಲ್ಲಿ ಮುನ್ನಡೆಯಲ್ಲಿವೆ.
ಇದಷ್ಟೇ ಅಲ್ಲದೇ ಸಿಎಂ ಎಂಕೆ ಸ್ಟ್ಯಾಲಿನ್ ಸೇರಿದಂತೆ 14 ಡಿಎಂಕೆ ಸಚಿವರು ತಾವು ಸ್ಪರ್ಧಿಸಿದ್ದ ಕ್ಷೇತ್ರಗಳಲ್ಲಿ ತೀವ್ರ ಹಿನ್ನಡೆ ಎದುರಿಸಿದ್ದಾರೆ.
ಮೂರನೇ ಸುತ್ತಿನ ಎಣಿಕೆಯ ನಂತರವೂ ತಮಿಳುನಾಡು ಮುಖ್ಯಮಂತ್ರಿ ಎಂ ಕೆ ಸ್ಟಾಲಿನ್ ಸೇರಿದಂತೆ 14 ಡಿಎಂಕೆ ಸಚಿವರು ತಮ್ಮ ತಮ್ಮ ಕ್ಷೇತ್ರಗಳಲ್ಲಿ ಹಿನ್ನಡೆ ಅನುಭವಿಸಿದ್ದಾರೆ.
ಚುನಾವಣಾ ಆಯೋಗದ (ಇಸಿ) ಪ್ರಕಾರ ಕೊಳತ್ತೂರಿನಲ್ಲಿ ಸ್ಪರ್ಧಿಸುತ್ತಿರುವ ಸ್ಟಾಲಿನ್ 2,277 ಮತಗಳಿಂದ ಹಿನ್ನಡೆ ಅನುಭವಿಸಿದ್ದಾರೆ. ಅದೇ ರೀತಿ, ಚೆಪಾಕ್-ತಿರುವಲ್ಲಿಕೇಣಿಯಲ್ಲಿ ಉಪಮುಖ್ಯಮಂತ್ರಿ ಉದಯನಿಧಿ ಸ್ಟಾಲಿನ್ 1,244 ಮತಗಳಿಂದ ಹಿನ್ನಡೆ ಅನುಭವಿಸಿದ್ದಾರೆ.
ಕಟ್ಪಾಡಿ ವಿಧಾನಸಭಾ ಕ್ಷೇತ್ರದಲ್ಲಿ ಡಿಎಂಕೆ ಪ್ರಧಾನ ಕಾರ್ಯದರ್ಶಿ ಮತ್ತು ಹಿರಿಯ ಸಚಿವ ದುರೈ ಮುರುಗನ್ ಕೂಡ 2,293 ಮತಗಳಿಂದ ಹಿನ್ನಡೆ ಅನುಭವಿಸಿದ್ದಾರೆ. ಅದೇ ರೀತಿ ಪಿ.ಗೀತಾ ಜೀವನ್ (ತೂತುಕ್ಕುಡಿ), ಮಾ.ಸುಬ್ರಮಣಿಯನ್ (ಸೈದಾಪೇಟ್), ಇ.ವಿ.ವೇಲು (ತಿರುವನಾಮಲೈ), ಪಿ.ಕೆ.ಸೇಕರ್ಬಾಬು (ಹಾರ್ಬರ್), ಟಿ.ಎಂ.ಅನ್ಬರಸನ್ (ಆಲಂದೂರು), ಕೆ.ಎನ್.ನೆಹರು (ತಿರುಚಿ ಪಶ್ಚಿಮ), ಗೋವಿ ಚೆಝಿಯಾನ್ (ತಿರುವಿಡೈಮರುದೂರ್), ರಾಜಪುರಂ (ಎ.ಟಿ.ಆರ್.), ನಜರ್ಪುರಂ (ಎ.ಟಿ.ಆರ್.), ಇತರ ಸಚಿವರು (ಮನ್ನಾರ್ಗುಡಿ), ಕೆಕೆಎಸ್ಎಸ್ಆರ್ ರಾಮಚಂದ್ರನ್ ಮತ್ತು ತ್ರಿಚುಲಿಯಲ್ಲಿ ತಂಗಂ ತೇನರಸು ಹಿನ್ನಡೆ ಎದುರಿಸಿರುವ ಸಚಿವರಾಗಿದ್ದಾರೆ.
Advertisement
