ಜಾರ್ಖಂಡ್‌: NTPCಯಲ್ಲಿ 'ಟೇಕ್-ಅಪ್ ಟ್ರಾಲಿ' ಕುಸಿದು ಮೂವರು ಕಾರ್ಮಿಕರು ಸಾವು; ನಾಲ್ವರಿಗೆ ಗಾಯ

ಪ್ರಾಥಮಿಕ ಮಾಹಿತಿಯ ಪ್ರಕಾರ, ಕಲ್ಲಿದ್ದಲು ಸಾಗಿಸುವ ಕನ್ವೇಯರ್ ಬೆಲ್ಟ್‌ನ ರಚನಾತ್ಮಕ ವಿನ್ಯಾಸದಲ್ಲಿನ ದೋಷದಿಂದಾಗಿ ಅದು ಮುರಿದುಬಿದ್ದಿದ್ದು, ಅದರ ಅವಶೇಷಗಳ ಅಡಿಯಲ್ಲಿ ಸಿಲುಕಿ ಮೂವರು ಕಾರ್ಮಿಕರು ಮೃತಪಟ್ಟಿದ್ದಾರೆ ಮತ್ತು ನಾಲ್ವರು ಗಾಯಗೊಂಡಿದ್ದಾರೆ.
coal mine
ಸಾಂದರ್ಭಿಕ ಚಿತ್ರ
Updated on: 

ರಾಂಚಿ: ಜಾರ್ಖಂಡ್‌ನ ಚತ್ರಾ ಜಿಲ್ಲೆಯಲ್ಲಿರುವ ಎನ್‌ಟಿಪಿಸಿ(NTPC) ತಾಂಡ್ವಾ ಯೋಜನೆಯ ಕಲ್ಲಿದ್ದಲು ನಿರ್ವಹಣಾ ಘಟಕದಲ್ಲಿ(Coal Handling Plant - CHP) 'ಟೇಕ್-ಅಪ್ ಟ್ರಾಲಿ' ಕುಸಿದು ಕನಿಷ್ಠ ಮೂವರು ಕಾರ್ಮಿಕರು ಮೃತಪಟ್ಟಿದ್ದಾರೆ.

ಪ್ರಾಥಮಿಕ ಮಾಹಿತಿಯ ಪ್ರಕಾರ, ಕಲ್ಲಿದ್ದಲು ಸಾಗಿಸುವ ಕನ್ವೇಯರ್ ಬೆಲ್ಟ್‌ನ ರಚನಾತ್ಮಕ ವಿನ್ಯಾಸದಲ್ಲಿನ ದೋಷದಿಂದಾಗಿ ಅದು ಮುರಿದುಬಿದ್ದಿದ್ದು, ಅದರ ಅವಶೇಷಗಳ ಅಡಿಯಲ್ಲಿ ಸಿಲುಕಿ ಮೂವರು ಕಾರ್ಮಿಕರು ಮೃತಪಟ್ಟಿದ್ದಾರೆ ಮತ್ತು ನಾಲ್ವರು ಗಾಯಗೊಂಡಿದ್ದಾರೆ.

ಕನ್ವೇಯರ್ ಬೆಲ್ಟ್‌ನ 'ಜಂಕ್ಷನ್ ನಂ. 1' ರಲ್ಲಿ ಈ ಘಟನೆ ನಡೆದಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

coal mine
ಮಂಗಳೂರು: ಪೈಲಟ್ ಸಮಯಪ್ರಜ್ಞೆಯಿಂದ ತಪ್ಪಿದ ದೊಡ್ಡ ದುರಂತ; ನಳಿನ್ ಕುಮಾರ್ ಕಟೀಲ್ ಸೇರಿ 236 ಮಂದಿ ಸುರಕ್ಷಿತ! Video

'ಟೇಕ್-ಅಪ್ ಟ್ರಾಲಿ' (take-up trolley) ಕುಸಿದುಬಿದ್ದಿದ್ದರಿಂದ, ಅಲ್ಲಿ ಕೆಲಸ ಮಾಡುತ್ತಿದ್ದ ಕಾರ್ಮಿಕರು ಸಾವನ್ನಪ್ಪಿದ್ದಾರೆ.

ವರದಿಗಳ ಪ್ರಕಾರ, ಈ ಕನ್ವೇಯರ್ ಬೆಲ್ಟ್ ನಿರ್ಮಾಣದ ಗುತ್ತಿಗೆಯನ್ನು ಎನ್‌ಟಿಪಿಸಿ ಸಂಸ್ಥೆಯು 'ಥೈಸನ್‌ಕ್ರುಪ್' (ThyssenKrupp) ಎಂಬ ಕಂಪನಿಗೆ ನೀಡಿತ್ತು. ಈ ಕಂಪನಿಯು ಕೆಲಸವನ್ನು ನಿರ್ವಹಿಸಲು 'ಸಿಂಪ್ಲೆಕ್ಸ್' (Simplex) ಎಂಬ ಉಪ-ಗುತ್ತಿಗೆದಾರರನ್ನು(sub-contractor) ನೇಮಿಸಿಕೊಂಡಿತ್ತು.

ಈ ಘಟನೆಯಲ್ಲಿ ಗಾಯಗೊಂಡ ನಾಲ್ವರು ಕಾರ್ಮಿಕರನ್ನು ತಾಂಡ್ವಾದಲ್ಲಿರುವ ಎನ್‌ಟಿಪಿಸಿ ಸಂಜೀವನಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅಲ್ಲಿ ಅವರು ವೈದ್ಯರ ಮೇಲ್ವಿಚಾರಣೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಚತ್ರಾ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ (SP) ಅನಿಮೇಶ್ ನೈಥಾನಿ ಅವರು, ದುರುಂತದಲ್ಲಿ ಮೂವರು ಕಾರ್ಮಿಕರು ಮೃತಪಟ್ಟಿರುವ ವಿಷಯವನ್ನು ಅಧಿಕೃತವಾಗಿ ದೃಢಪಡಿಸಿದ್ದಾರೆ.

"ಘಟನೆಯ ಬಗ್ಗೆ ಮಾಹಿತಿ ಪಡೆದ ಕೂಡಲೇ, ತಾಂಡ್ವಾ ಪೊಲೀಸ್ ಠಾಣೆಯ ಉಸ್ತುವಾರಿ ಅಧಿಕಾರಿ ವಿಪಿನ್ ಕುಮಾರ್ ಅವರು ಪೊಲೀಸ್ ಪಡೆಯೊಂದಿಗೆ ಸ್ಥಳಕ್ಕೆ ಧಾವಿಸಿದರು. ಪ್ರಸ್ತುತ ಪೊಲೀಸ್ ಸಿಬ್ಬಂದಿ, ಆಡಳಿತಾಧಿಕಾರಿಗಳು ಮತ್ತು ರಕ್ಷಣಾ ತಂಡಗಳು ಸ್ಥಳದಲ್ಲಿವೆ ಹಾಗೂ ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸಲಾಗುತ್ತಿದೆ" ಎಂದು ಎಸ್‌ಪಿ ತಿಳಿಸಿದ್ದಾರೆ.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

X