ರಾಹುಲ್ ರೋಡ್ ಶೋ ಶನಿವಾರ ಬಳ್ಳಾರಿ ಜಿಲ್ಲೆಯ ಹೊಸಪೇಟೆಯಿಂದ ಪ್ರಾರಂಭಗೊಳ್ಳಲಿದ್ದು ಸೋಮವಾರ ಕಲಬುರ್ಗಿಯಲ್ಲಿ ಕೊನೆಗೊಳ್ಳಲಿದೆ. ಮಾರ್ಗ ಮದ್ಯದಲ್ಲಿ ರಾಹುಲ್ ದೇವಾಲಯಗಳು, ಮಸೀದಿ ಮತ್ತು ಮಠಕ್ಕೆ ಭೇಟಿ ಕೊಡಲಿದ್ದಾರೆ. ರಾಹುಲ್ ಕೊಪ್ಪಳದಲ್ಲಿರುವ ಹುಲೀಗಮ್ಮ ದೇವಸ್ಥಾನ ಮತ್ತು ಗವಿ ಸಿದ್ಧೇಶ್ವರ ಮಠ, ಕಲಬುರಗಿದಲ್ಲಿ ಖ್ವಾಜಾ ಬಂಡೆ ನವಾಜ್ ದರ್ಗಾ ಮತ್ತು ಬಸವಕಲ್ಯಾಣದಲ್ಲಿ ಅನುಭವ ಮಂಟಪಕ್ಕೆ ಭೇಟಿ ನೀಡಲಿದ್ದಾರೆ ಎಂದು ಪಕ್ಷದ ಮೂಲಗಳು ಹೇಳಿದೆ.