ಬಿಜೆಪಿ ಜೋಕರ್ಸ್ ಮತ್ತು ಹೀರೋಹಿನ್ ಗಳ ಪಕ್ಷ: ರಾಮಲಿಂಗಾ ರೆಡ್ಡಿ

ಚಿಕ್ಕಬಳ್ಳಾಪುರ: ಬಿಜೆಪಿ ಜೋಕರ್ಸ್ ಮತ್ತು ಹೀರೋಯಿನ್ ಗಳ ಪಕ್ಷ ಎಂದು ಗೃಹ ಸಚಿವ ರಾಮಲಿಂಗಾ ರೆಡ್ಡಿ ಅವರು ಮಂಗಳವಾರ ಪ್ರತಿಪಕ್ಷದ ವಿರುದ್ಧ ವ್ಯಂಗ್ಯವಾಡಿದ್ದಾರೆ.

ಇಂದು ನಗರದಲ್ಲಿ ಮಹದಾಯಿ ವಿವಾದ ಮತ್ತು ಗೋವಾ ಜಲ ಸಂಪನ್ಮೂಲ ಸಚಿವ ವಿನೋದ್ ಪಾಲೇಂಕರ್ ಅವರ 'ಹರಾಮಿ' ಹೇಳಿಕೆ ಬಗ್ಗೆ ಪ್ರತಿಕ್ರಿಯಿಸಿದ ಗೃಹ ಸಚಿವರು, ಮಹದಾಯಿ ವಿಚಾರದಲ್ಲಿ ಅಮಿತ್ ಶಾ ನಿರ್ದೇಶನದಂತೆ ಬಿಜೆಪಿ ನಾಯಕರು ನಾಟಕವಾಡುತ್ತಿದ್ದಾರೆ. ಅಮಿತ್ ಶಾ ಈ ನಾಟಕದ ಮ್ಯಾನೇಜರ್ ಆಗಿದ್ದು, ಸ್ಥಳೀಯ ನಾಯಕರಿಗೆ ಕೆಲವೊಂದ ಪಾತ್ರಗಳನ್ನು ನೀಡಿದ್ದಾರೆ. ಅದರಲ್ಲಿ ಕೆಲವರು ಹೀರೋಗಳು ಹಾಗೂ ಇನ್ನು ಕೆಲವರು ಹೀರೋಯಿನ್ ಗಳಾಗಿದ್ದಾರೆ ಎಂದು ವಾಗ್ದಾಳಿ ನಡೆಸಿದರು.

ಗೋವಾ ಸಚಿವ ಪಾಲೇಂಕರ್ ಗೆ ಆ ರೀತಿ ಹೇಳಿಕೆ ನೀಡುವಂತೆ ರಾಜ್ಯ ಬಿಜೆಪಿ ನಾಯಕರು ಪ್ರಚೋದನೆ ನೀಡಿದ್ದಾರೆ ಎಂದು ರಾಮಲಿಂಗಾ ರೆಡ್ಡಿ ಆರೋಪಿಸಿದರು.

ಗೋವಾ ಮುಖ್ಯಮಂತ್ರಿ ಮನೋಹರ್ ಪರಿಕ್ಕರ್ ಅವರು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್.ಯಡಿಯೂರಪ್ಪ ಅವರಿಗೆ ಪತ್ರ ಬರೆದು ಸಾಧಿಸಿದ್ದೇನೆ? ಆ ಪತ್ರಕ್ಕೆ ಯಾವ ಮಹತ್ವವಿದೆ? ಎಂದು ಗಹ ಸಚಿವರು ಪ್ರಶ್ನಿಸಿದರು.