ಸರ್ಕಾರದಲ್ಲಿ ಬಹಳಷ್ಟು ಅತೃಪ್ತ ಶಾಸಕರಿದ್ದಾರೆ, 15ರಿಂದ 20 ದಿನ ಕಾಯಿರಿ: ಬಿ ಎಸ್ ಯಡಿಯೂರಪ್ಪ

ಬೆಂಗಳೂರು: ಆಪರೇಷನ್ ಕಮಲ ಸದ್ಯಕ್ಕೆ ತಣ್ಣಗಾಗಿದೆ. ಬಿಜೆಪಿ ಇದೀಗ ವಿವಾದಿತ ಜಿಂದಾಲ್ ಕಂಪೆನಿಗೆ ಸರ್ಕಾರಿ ಭೂಮಿ ಕೊಡುವ ವಿಚಾರದಲ್ಲಿ ಮತ್ತು ಐಎಂಎ ಹಗರಣದ ಬಗ್ಗೆ ಹೋರಾಟ ನಡೆಸುತ್ತಿದೆ.

ಹಾಾದರೆ ಇನ್ನು ಆಪರೇಷನ್ ಕಮಲ ವಿಚಾರಕ್ಕೆ ಬಿಜೆಪಿ ಕೈ ಹಾಕುವುದಿಲ್ಲವೇ, ಮುಂದಿನ ದಿನಗಳಲ್ಲಿ ಬಿಜೆಪಿಯ ತಂತ್ರಗಾರಿಕೆ ಏನು ಎಂಬ ಬಗ್ಗೆ ಪಕ್ಷದ ರಾಜ್ಯಾಧ್ಯಕ್ಷ ಬಿ ಎಸ್. ಯಡಿಯೂರಪ್ಪ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಪತ್ರಿಕೆ ಜೊತೆ ಮಾತನಾಡಿದ್ದಾರೆ.

ಮನಸೋ ಇಚ್ಛೆ ಬೆಲೆಗೆ ಸರ್ಕಾರಿ ಭೂಮಿಯನ್ನುಮಾರಾಟ ಮಾಡಲು ಸರ್ಕಾರ ನಿಶ್ಚಯಿಸಿದೆ. ಈ ಮೂಲಕ ವಂಚನೆಯೆಸಗಲು ಸರ್ಕಾರ ಯತ್ನಿಸುತ್ತಿದ್ದು ನಂತರ ತೀವ್ರ ಒತ್ತಡದಿಂದ ಹಿಂದೆ ಸರಿಯಲು ನೋಡುತ್ತಿದೆ. ಆದರೆ ನಾವು ಸರ್ಕಾರ ನಿರ್ಧಾರವನ್ನು ಹಿಂತೆಗೆದುಕೊಳ್ಳುವವರೆಗೆ ಸುಮ್ಮನೆ ಕೂರುವುದಿಲ್ಲ.

-ಜಿಂದಾಲ್ ವಿರುದ್ಧ ನಮಗೆ ಯಾವುದೇ ಆಕ್ಷೇಪವಿಲ್ಲ. ನಾವು ಭೂಮಿ ಮಾರಾಟಕ್ಕೆ ಮಾತ್ರ ವಿರೋಧಿಸುತ್ತಿದ್ದೇವೆ. ಉಪ ಸಮಿತಿ ನೇಮಿಸುವ ನಿರ್ಧಾರ ಕೇವಲ ಜನರನ್ನು ಮೂರ್ಖರನ್ನಾಗಿಸುವ ಪಿತೂರಿಯಷ್ಟೆ. ಆಂತರಿಕ ಒಪ್ಪಂದಕ್ಕೆ ಈಗಾಗಲೇ ತಲುಪಿದ್ದಾರೆ. ಲೋಕಸಭೆ ಚುನಾವಣೆ ಮುಗಿದ ತಕ್ಷಣ ಯಾಕೆ ಸರ್ಕಾರ ಈ ಕೆಲಸಕ್ಕೆ ಮುಂದಾಗಿದೆ. ನಾವು ಆಡಳಿತ ನಡೆಸುತ್ತಿದ್ದಾಗ ಯಾವುದೇ ಒಪ್ಪಂದ ನಡೆದಿರಲಿಲ್ಲ.

ಸರ್ಕಾರಕ್ಕೆ ಸಮಯ ನೀಡಲು ನನಗೆ ಇಷ್ಟವಿಲ್ಲ. ಶಾಸಕರು ಹಲವು ವಿಚಾರಗಳ ಕುರಿತು ಸರ್ಕಾರದ ಜೊತೆ ಹೋರಾಟ ನಡೆಸಿಕೊಂಡು ಬರುತ್ತಿದ್ದಾರೆ. ಜೆಡಿಎಸ್-ಕಾಂಗ್ರೆಸ್ ಮೈತ್ರಿಕೂಟದಲ್ಲಿ ಸುಮಾರು 20 ಅತೃಪ್ತ ಹೊಂದಿದ ಶಾಸಕರಿದ್ದಾರೆ. ಸರ್ಕಾರದಿಂದ ಹೊರನಡೆಯಲು ನಿರ್ಧರಿಸುವ ಈ ಸಂದರ್ಭ ತುಂಬಾ ಮಹತ್ವದ್ದು. 

-ಸರ್ಕಾರ ಪೂರ್ಣಾವಧಿ ಮುಗಿಸಿದರೆ ನಮಗೆ ಯಾವುದೇ ಸಮಸ್ಯೆಯಿಲ್ಲ. ನಾವು ವಿರೋಧ ಪಕ್ಷದಲ್ಲಿ ಇರುತ್ತೇವೆ. ಆದರೆ ಅಭಿವೃದ್ಧಿ ಎಲ್ಲಿದೆ? ರೈತರ ಸಾಲಮನ್ನಾ ವಿಷಯ ಗೊಂದಲದಲ್ಲಿದೆ. ರೈತರ ಖಾತೆಯಲ್ಲಿ ಹಣ ಠೇವಣಿಯಿಡುವ ನಿರ್ಧಾರ ಹಿಂತೆಗೆದುಕೊಳ್ಳಲಾಗಿದೆ.ಶಾಸನ ಸಮಿತಿ ಅಧ್ಯಕ್ಷ ಎ ಟಿ ರಾಮಸ್ವಾಮಿ ರಾಜೀನಾಮೆ ನೀಡಿದ್ದಾರೆ. ಸರ್ಕಾರದಲ್ಲಿ ಅನೇಕ ಭಿನ್ನಾಭಿಪ್ರಾಯವಿದೆ. 15ರಿಂದ 20 ದಿನ ಕಾಯಿರಿ, ಮತ್ತೆ ಏನಾಗುತ್ತದೆ ನೋಡಿ.

-ಚುನಾವಣೆಯ ಪ್ರಶ್ನೆಯೇ ಇಲ್ಲ. ನಮ್ಮಲ್ಲಿ 105 ಶಾಸಕರಿದ್ದಾರೆ. ಸರ್ಕಾರ ರಚಿಸಲು ಸಾಂವಿಧಾನಿಕ ಆಯ್ಕೆಗಳನ್ನು ಹುಡುಕುತ್ತೇವೆ.

ಕೇಂದ್ರ ನಾಯಕರು ರಾಜ್ಯದಲ್ಲಿ ನನ್ನ ನಾಯಕತ್ವದಲ್ಲಿ ನಂಬಿಕೆಯಿಟ್ಟು ನಾನು ತೆಗೆದುಕೊಳ್ಳುವ ನಿರ್ಧಾರಗಳನ್ನು ಗೌರವಿಸುತ್ತಾರೆ.

ಅಧಿಕಾರಕ್ಕೆ ಬಂದರೆ 24 ಗಂಟೆಗಳಲ್ಲಿ ರೈತರ ಸಾಲಮನ್ನಾ ಮಾಡುತ್ತೇವೆ ಎಂದು ಸಿಎಂ ಕುಮಾರಸ್ವಾಮಿ ಘೋಷಿಸಿದ್ದರು. ಆದರೆ ಇಲ್ಲಿ ತನಕ ಶೇಕಡಾ 20ರಷ್ಟು ಕೂಡ ರೈತರ ಸಾಲಮನ್ನಾ ಆಗಿಲ್ಲ. ಹಲವು ರೈತರು ಸರ್ಕಾರದ ಮೇಲೆ ನಂಬಿಕೆಯಿಟ್ಟುಕೊಂಡು ಬ್ಯಾಂಕಿಗೆ ಸಾಲ ಕಟ್ಟದೆ ವಂಚಕರೆನಿಸಿಕೊಂಡಿದ್ದಾರೆ.

-ಬಳ್ಳಾರಿ ಯಾಕೆ, ಬಿಜೆಪಿ ಲೋಕಸಭೆಯಲ್ಲಿ 25+1 ಸೀಟುಗಳನ್ನು ಗೆದ್ದಿದ್ದು ಬಿಜೆಪಿಯನ್ನು ಅಲುಗಾಡಿಸಲು ಸಾಧ್ಯವಿಲ್ಲ.

ಈಗ ಇಬ್ಬರನ್ನು ತೆಗೆದುಕೊಂಡಿದ್ದು ಮುಂದೆ ನಾಲ್ವರನ್ನು ತೆಗೆದುಕೊಳ್ಳಬಹುದು, ಇದೊಂತರಾ ಹಗಲು ದರೋಡೆ.

ಇದು ಜೀವವಿರುವಂತೆ ಕಂಡರೂ ಸಹ ಸರ್ಕಾರ ಸತ್ತುಹೋಗಿದೆ. ಕಳೆದ ವಾರ ನಾನು ಬರಗಾಲಪೀಡಿತ ಪ್ರದೇಶಕ್ಕೆ ಭೇಟಿ ನೀಡಿದ್ದೆ. ಬರಗಾಲವನ್ನು ನಿಭಾಯಿಸುವಲ್ಲಿ ಸರ್ಕಾರ ವಿಫಲವಾಗಿದೆ. ಜನರ ಸಮಸ್ಯೆಗಳಿಗೆ ಅಧಿಕಾರಿಗಳು ಸ್ಪಂದಿಸುವುದಿಲ್ಲ.

ಪಕ್ಷದ ಹೈಕಮಾಂಡ್ ನಿರ್ಧರಿಸಲಿದೆ.