ಕನಕಪುರ: ಈ ಬಾರಿಯ ವಿಧಾನಸಭೆ ಚುನಾವಣೆಯಲ್ಲಿ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಅವರಿಗೆ ಕನಕಪುರ ವಿಧಾನಸಭಾ ಕ್ಷೇತ್ರದಲ್ಲಿನ ಗೆಲುವು ಕೇಕ್‌ವಾಕ್ ಎಂದು ಅವರ ಬೆಂಬಲಿಗರು ಭಾವಿಸಿದ್ದಾರೆ, ಆದರೆ ಅವರ ವಿರೋಧಿಗಳು ಇದೊಂದು ಮುಕ್ತ ರೇಸ್ ಎಂದು ಪರಿಗಣಿಸಿದ್ದಾರೆ.
ಶಿವಕುಮಾರ್ ಪಾಲಿಗೆ ರಿಪಬ್ಲಿಕ್ ಆಫ್ ಕನಕಪುರವಾಗಿ ಕ್ಷೇತ್ರ ಮಾರ್ಪಟ್ಟಿದೆ, ಡಿಕೆಶಿ ವಿರುದ್ಧ ಸೇಡು ತೀರಿಸಿಕೊಳ್ಳಲು ಬಯಸುವ ಅವರ ವಿರೋಧಿಗಳು ಈ ಬಾರಿಯ ಚುನಾವಣೆ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ.
ಇಂತಹ ಗ್ರಹಿಕೆಗಳನ್ನು ಮುಂದಿಟ್ಟುಕೊಂಡು ಬಿಜೆಪಿ ಹೈಕಮಾಂಡ್ ಇಲ್ಲಿ ಪ್ರಯೋಗ ಮಾಡಿ, ಕಾಂಗ್ರೆಸ್ ಮುಖಂಡರ ಆಪಲ್‌ಕಾರ್ಟ್ ಕೆರಳಿಸಲು ಒಕ್ಕಲಿಗ ಮುಖಂಡ ಆರ್.ಅಶೋಕ್ ಅವರನ್ನು, ಶಿವಕುಮಾರ್ ವಿರುದ್ಧ ಕಣಕ್ಕಿಳಿಸಿದೆ. ಬೆಂಗಳೂರಿನ ಪದ್ಮನಾಭನಗರ ಕ್ಷೇತ್ರದಿಂದ ಕಣಕ್ಕಿಳಿದಿರುವ ಅಶೋಕ ಅವರು ಎರಡು ಕ್ಷೇತ್ರಗಳ ನಡುವೆ ಜಗ್ಗಾಟ ನಡೆಸುತ್ತಿದ್ದು, ರಾಜ್ಯದ ಇತರೆ ಭಾಗಗಳಲ್ಲಿ ಬಿಜೆಪಿ ಅಭ್ಯರ್ಥಿಗಳ ಪರ ಪ್ರಚಾರ ನಡೆಸುತ್ತಿದ್ದಾರೆ, ಇಲ್ಲಿ ಚುನಾವಣಾ ಪ್ರಚಾರಕ್ಕೆ ಸಮಯದ ಕೊರತೆ ಎದುರಾಗಿದೆ, ಹೀಗಾಗಿ ಇಲ್ಲಿ ಅಶೋಕ್ ಸ್ಪರ್ಧಿ ಎಂಬ ಬದಲು ಅತಿಥಿ ಎಂಬ ಭಾವನೆ ಮೂಡಲು ಕಾರಣವಾಗಿದೆ.
‘ಕಪಾಲಾ ಬೆಟ್ಟದಲ್ಲಿ ದೊಡ್ಡ ಏಸುಕ್ರಿಸ್ತನ ಪ್ರತಿಮೆ ಸ್ಥಾಪಿಸಲು ಶಿವಕುಮಾರ್ ಯತ್ನಿಸಿದ್ದು, ಅಲ್ಪಸಂಖ್ಯಾತರ ಓಲೈಕೆ ಮತ್ತು ಹಿಂದೂಗಳಿಗೆ ಕಿರಿಕಿರಿ ಉಂಟುಮಾಡುವ ಪ್ರಯತ್ನಕ್ಕೆ ತಕ್ಕ ಬೆಲೆ ತೆರಬೇಕಾಗುತ್ತದೆ ಎಂದು ಬಿಜೆಪಿ ವಕ್ತಾರ ಎಂ.ಜಿ.ಮಹೇಶ್ ಹೇಳಿದ್ದಾರೆ.
ಶಿವಕುಮಾರ್ ವಿರುದ್ಧ ಅಧಿಕಾರ ವಿರೋಧಿ ಅಂಶ ಕೆಲಸ ಮಾಡಿ ಬಿಜೆಪಿಗೆ ನೆರವಾಗಲಿದೆ ಎಂದು ಕ್ಷೇತ್ರದ ಉಸ್ತುವಾರಿ ವಹಿಸಿರುವ ಬಿಜೆಪಿಯ ಹಿರಿಯ ಮುಖಂಡ ಅಶ್ವತ್ಥನಾರಾಯಣಗೌಡ ಅಭಿಪ್ರಾಯ ಪಟ್ಟಿದ್ದಾರೆ.
ಈ ಬಾರಿ ಜೆಡಿಎಸ್ ಅಭ್ಯರ್ಥಿ ಹಿಂದಿನಷ್ಟು ಪ್ರಬಲವಾಗಿಲ್ಲದ ಕಾರಣ ಅಶೋಕ್ ಎರಡನೇ ಸ್ಥಾನಕ್ಕೆ ಬರಲು ಪ್ರಯತ್ನಿಸಬಹುದು’ ಶಿವಕುಮಾರ್ ಗೆಲುವಿನ ಅಂತರ ಕಡಿಮೆಯಾಗಬಹುದು ಎಂದು ಸ್ಥಳೀಯ ಬಿಜೆಪಿ ಮುಖಂಡರೊಬ್ಬರು ಹೇಳಿದ್ದಾರೆ
ಶಿವಕುಮಾರ್ ಅವರ ಅಕ್ರಮ ಆಸ್ತಿ ಗಳಿಕೆ ಆರೋಪ ಕ್ಷೇತ್ರದ ಜನರಿಗೆ ಯಾವುದೇ ಚುನಾವಣೆಯ ವಿಷಯವಲ್ಲ. ಇಲ್ಲಿನ ರಸ್ತೆಗಳನ್ನು ನೋಡಿ. ಪಕ್ಕದ ರಾಮನಗರ ವಿಧಾನಸಭಾ ಕ್ಷೇತ್ರಕ್ಕೆ ಹೋಲಿಸಿದರೆ ಉತ್ತಮವಾಗಿ ಅಭಿವೃದ್ಧಿ ಹೊಂದಿದ್ದು, ಕ್ಷೇತ್ರ ಉತ್ತಮ ಸ್ಥಿತಿಯಲ್ಲಿದೆ ಎಂದು ತರಕಾರಿ ಮಾರಾಟಗಾರ ಸಂತೋಷ್ ತಿಳಿಸಿದ್ದಾರೆ.
ಅವರು ಒರಟರಾಗಿರಬಹುದು, ಆದರೆ ನಮ್ಮ ಹಳ್ಳಿಯ ಹುಡುಗ ಇಷ್ಟು ದೊಡ್ಡದಾಗಿ ಬೆಳೆದಿದ್ದಾರೆ ಎಂದು ನಮಗೆ ಹೆಮ್ಮೆ ಇದೆ ಎಂದು ಶಿವಕುಮಾರ್ ವಾಸವಾಗಿರುವ ದೊಡ್ಡಹಳ್ಳಿಯಲ್ಲಿ ಟೀ ಅಂಗಡಿಯ ಮಾಲೀಕ ತಿಪ್ಪವ್ವ ಹೊಗಳಿದ್ದಾರೆ.
ಅವರ ಕಿರಿಯ ಸಹೋದರ ಮತ್ತು ಬೆಂಗಳೂರು ಗ್ರಾಮಾಂತರ ಲೋಕಸಭಾ ಸದಸ್ಯ ಡಿ.ಕೆ.ಸುರೇಶ್ ಕ್ಷೇತ್ರದ ಉಸ್ತುವಾರಿ ವಹಿಸಿದ್ದು. ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ ಶಿವಕುಮಾರ್ ಅವರಿಗೆ ಮುಖ್ಯಮಂತ್ರಿ ಸ್ಥಾನಕ್ಕೇರುವ ಸಾಧ್ಯತೆ ಇದೆ ಎಂಬುದು ಕ್ಷೇತ್ರದ ಚರ್ಚೆಯ ವಿಷಯವಾಗಿದೆ. ಅಲ್ಲದೆ, 2022ರಲ್ಲಿ ಕನಕಪುರದಲ್ಲಿ ಹಾದುಹೋದ ಶಿವಕುಮಾರ್ ಅವರ ಮೇಕೆದಾಟು ಪಾದಯಾತ್ರೆಯ ವೇಗ ಇಂದಿಗೂ ಇಲ್ಲಿನ ಮತದಾರರಲ್ಲಿ ಅನುರಣಿಸುತ್ತಿದೆ.
ಪ್ರತಿ ಚುನಾವಣೆಯಲ್ಲೂ ತಮ್ಮ ಅಭ್ಯರ್ಥಿಯನ್ನು ಬದಲಿಸುವ ಜೆಡಿಎಸ್ ನಿರ್ಧಾರವೂ ಶಿವಕುಮಾರ್ ಗೆ ನೆರವಾಗಿದೆ. ನಗರಸಭೆ ಚುನಾವಣೆಯಲ್ಲೂ ಸೋತಿರುವ ಅನನುಭವಿ ಬಿ.ನಾಗರಾಜು ಈ ಬಾರಿ ಪಕ್ಷದ ಅಭ್ಯರ್ಥಿ. ಶಿವಕುಮಾರ್ ಅವರ ವಿರುದ್ಧ 2008ರಲ್ಲಿ ಸ್ಪರ್ಧಿಸಿದ್ದ ಡಿ.ಎಂ.ವಿಶ್ವನಾಥ್ ಮತ್ತು 2018ರಲ್ಲಿ ಸ್ಪರ್ಧಿಸಿದ್ದ ನಾರಾಯಣ ಗೌಡ ಅವರು ಜೆಡಿಎಸ್ ನಾಯಕರು ಮತ್ತು ಒಂದು ಕಾಲದಲ್ಲಿ ಶಿವಕುಮಾರ್ ಅವರ ಎದುರಾಳಿಗಳಾಗಿದ್ದವರು ಕಾಂಗ್ರೆಸ್ ಸೇರಿದ್ದಾರೆ.
1983 ರಲ್ಲಿ, ಪಿಜಿಆರ್ ಸಿಂಧಿಯಾ ಅವರು ಸ್ಥಾನವನ್ನು ತ್ಯಾಗ ಮಾಡಿದ ನಂತರ ಕನಕಪುರ ಉಪಚುನಾವಣೆಯಲ್ಲಿ ಆಗಿನ ಮುಖ್ಯಮಂತ್ರಿ ರಾಮಕೃಷ್ಣ ಹೆಗಡೆ ಆಯ್ಕೆಯಾದರು. ಮಾಜಿ ಪ್ರಧಾನಿ ಹೆಚ್ ಡಿ ದೇವೇಗೌಡರು 1989 ರಲ್ಲಿ ಕನಕಪುರ ಮತ್ತು ಹೊಳೆನರಸೀಪುರದಲ್ಲಿ ಸ್ಪರ್ಧಿಸಿ ಎರಡನ್ನೂ ಕಳೆದುಕೊಂಡರು. 2008ರಲ್ಲಿ ಕನಕಪುರದಲ್ಲಿ ಸಾತನೂರು ವಿಲೀನಗೊಂಡ ನಂತರ ಶಿವಕುಮಾರ್ 2013 ಮತ್ತು 2018ರಲ್ಲಿ ಸತತವಾಗಿ ಗೆಲುವು ಸಾಧಿಸುತ್ತಿದ್ದಾರೆ.
ಇದು ಒಕ್ಕಲಿಗ ಪ್ರಾಬಲ್ಯದ ಭಾಗವಾಗಿದ್ದು, ಸಮುದಾಯವು 80,000-ಕ್ಕೂ ಹೆಚ್ಚು ಮತಗಳನ್ನು ಹೊಂದಿದೆ, ಎಸ್‌ಸಿಗಳು 45,000, ಮುಸ್ಲಿಮರು 14,000, ಕುರುಬರು 12,000 ಮತ್ತು ವೀರಶೈವ-ಲಿಂಗಾಯತರು 7,000 ಮತಗಳನ್ನು ಹೊಂದಿದ್ದಾರೆ.
ಹಿಂದುಳಿದ ಸಮುದಾಯಗಳಾದ ತಿಗಳರು, ಕುಂಬಾರರು, ಮಡಿವಾಳರು ಮತ್ತು ಇತರರು ಸುಮಾರು 7,000 ಮತಗಳನ್ನು ಹೊಂದಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಇಲ್ಲಿ ಪ್ರಚಾರಕ್ಕೆ ಬರುವಂತೆ ಮಾಡುವ ಮೂಲಕ ಅವರನ್ನು ಓಲೈಸಲು ಬಿಜೆಪಿ ಮುಂದಾದರೇ, ಆಗ ಮಾತ್ರ ಅಶೋಕ ಶಿವಕುಮಾರ್ ಗೆಲುವಿನ ಮಾರ್ಜಿನ್ ಕಡಿಮೆ ಮಾಡಬಹುದು ಎಂಬುದು ಸ್ಥಳೀಯ ಬಿಜೆಪಿ ಮುಖಂಡರ ಲೆಕ್ಕಾಚಾರ.
ಕನಕಪುರ
ಒಟ್ಟು-2,25,956 ಮತದಾರರು.
ಪುರುಷ - 1,11,030
ಮಹಿಳೆ-1,13,921
ಇತರೆ-5
2018 ರ ಚುನಾವಣಾ ಫಲಿತಾಂಶ:
ಡಿ ಕೆ ಶಿವಕುಮಾರ್ (ಐಎನ್‌ಸಿ) - 1,27,552
ನಾರಾಯಣ ಗೌಡ (ಜೆಡಿ-ಎಸ್)-47,643.
ನಂದಿನಿ ಗೌಡ (ಬಿಜೆಪಿ)- 6,273.
