ಮತದಾರರು ಜಾತಿ ಮೀರಿ ಯೋಚಿಸಿ ಅಭಿವೃದ್ಧಿಗೆ ಮತ ಹಾಕುತ್ತಾರೆಂಬ ವಿಶ್ವಾಸವಿದೆ: ಕಾಂಗ್ರೆಸ್ ಅಭ್ಯರ್ಥಿ ಯೋಗೇಶ್ವರ್ (ಸಂದರ್ಶನ)

ಚುನಾವಣಾ ಅಲೆ ನನ್ನ ಪರವಾಗಿಯೇ ಇದೆ. ಕೇಂದ್ರ ಸಚಿವ ಎಚ್.ಡಿ.ಕುಮಾರಸ್ವಾಮಿ ಅವರು ಸಿಎಂ ಆಗಿದ್ದ ಅವಧಿಯಲ್ಲಿ ಕೊಟ್ಟ ಭರವಸೆಯನ್ನು ಈಡೇರಿಸಿಲ್ಲ. ಹೀಗಾಗಿ, ಜನರು ಅಸಮಾಧಾನಗೊಂಡಿದ್ದು, ನನ್ನ ಪರವಾಗಿ ಮತ ಚಲಾಯಿಸಲಿದ್ದಾರೆ.

ಚುನಾವಣೆ ಸಂದರ್ಭದಲ್ಲಿ ಮಾತ್ರ ಜಾತಿ ಇಟ್ಟುಕೊಂಡು ಆಟವಾಡುತ್ತಾರೆ. ಆದರೆ ನಾನು ಸಾರ್ವಕಾಲಿಕ ಸಮಾಜದ ಪರವಾಗಿದ್ದೇನೆ. ದೇವೇಗೌಡರ ಬಗ್ಗೆ ನನಗೆ ಗೌರವವಿದೆ. ಆದರೆ, ಸಾರ್ವಜನಿಕ ಜೀವನದಲ್ಲಿ ಅವರ ನಿಲುವನ್ನು ಜನ ಒಪ್ಪಿಕೊಳ್ಳುವುದಿಲ್ಲ. ಅವರದು ಕುಟುಂಬದ ಹಿತಾಸಕ್ತಿ, ನನ್ನದು ಸಾರ್ವಜನಿಕ ಹಿತಾಸಕ್ತಿ.

ಅವರು (ಗೌಡ) ಇಗ್ಗಲೂರು ಬ್ಯಾರೇಜ್‌ಗೆ ಯಾವುದೇ ರೀತಿಯಲ್ಲಿ ಸಂಪರ್ಕ ಹೊಂದಿಲ್ಲ. ಯೋಜನೆ ಬಗ್ಗೆ ಅವರಿಗೆ ಸ್ವಲ್ಪವೂ ಕಲ್ಪನೆ ಇರಲಿಲ್ಲ. ದೇವೇಗೌಡ ಪ್ರಧಾನಿಯಾದಾಗ ಅವರ ಮೇಲಿನ ಅಭಿಮಾನದಿಂದ ಆಗ ಶಾಸಕರಾಗಿದ್ದ ವರದೇಗೌಡರು ಇಗ್ಗಲೂರು ಬ್ಯಾರೇಜ್‌ಗೆ ಅವರ ಹೆಸರಿಟ್ಟು ಉದ್ಘಾಟನೆ ಮಾಡಿಸಿದರು. ಅದರಲ್ಲಿ ದೇವೇಗೌಡರ ಪಾತ್ರವಿಲ್ಲ. ಕಾವೇರಿ ಮತ್ತು ಸತ್ತೇಗಾಲ ಯೋಜನೆಯಿಂದ ಅಣೆಕಟ್ಟಿನ ಮೂಲ ಕಂಡು ಕೊಂಡು ಕಾರ್ಯಾರಂಭ ಮಾಡಲಾಯಿತು. ಡಿ.ವಿ.ಸದಾನಂದಗೌಡ ಸಿಎಂ ಆಗಿದ್ದಾಗ ಯೋಜನೆಗೆ ಮಂಜೂರಾತಿ ಪಡೆದಿದ್ದೆ, ಬಳಿಕ ಸಿಎಂ ಆದ ಸಿದ್ದರಾಮಯ್ಯ ಅವರು ಯೋಜನೆಗೆ ಹಣ ಬಿಡುಗಡೆ ಮಾಡಿದ್ದರು. ಇದರ ಕ್ರೆಡಿಟ್ ನ್ನು ಯಾವುದೇ ಸರ್ಕಾರವು ಪಡೆಯಲು ಸಾಧ್ಯವಿಲ್ಲ. ಕಾವೇರಿ ಜಲ ನ್ಯಾಯಮಂಡಳಿ ತೀರ್ಪಿನ ನಂತರ ಪೈಪ್‌ಲೈನ್‌ಗಳನ್ನು ತೆಗೆಯಲಾಗುವುದು ಎಂದು ಗೌಡರು ಹೇಳಿರುವುದಕ್ಕೆ ನನ್ನ ಬಳಿ ಸಾಕ್ಷ್ಯವಿದೆ.

ಬೇರೆ ಕಡೆಯ (2019 ರಲ್ಲಿ ಮಂಡ್ಯ ಮತ್ತು 2023 ರಲ್ಲಿ ರಾಮನಗರ) ಚುನಾವಣೆಯಲ್ಲಿ ಸೋತಿದ್ದೇನೆಂದು ಚನ್ನಪಟ್ಟಣದಲ್ಲಿ ಅದನ್ನು ಬಳಸಿಕೊಳ್ಳಲು ಸಾಧ್ಯವಿಲ್ಲ.

ಬಹುಶಃ ಹೌದು. ಆದರೆ, ನಾನು ಕಾಂಗ್ರೆಸ್ ಸೇರಲು ಕಾರಣ ಜನರಿಗೆ ಅರ್ಥವಾಗುತ್ತಿದ್ದಂತೆ ಮತದಾನದ ಮಾದರಿ ನನ್ನ ಪರವಾಗಿ ಬದಲಾಗಿದೆ.

ಅವರ ಪ್ರಯತ್ನ ಅವರು ಮಾಡಲಿ... ಆದರೆ, ಅಂತಿಮವಾಗಿ ಜನರು ನಾನು ಹಿಂದೆ ಮಾಡಿದ ಕೆಲಸಕ್ಕಾಗಿ ಜಾತಿ ಗಡಿಗಳನ್ನು ಮೀರಿ ಯೋಚಿಸಿ ನನಗೆ ಮತ ಹಾಕುತ್ತಾರೆಂಬ ವಿಶ್ವಾಸವಿದೆ.

ನನ್ನ ಗೆಲುವು ಕಾಂಗ್ರೆಸ್ ಮತ್ತು ಡಿಕೆ ಶಿವಕುಮಾರ್ ಅವರ ಕೈಯನ್ನು ಬಲಪಡಿಸುತ್ತದೆ. ಮುಖ್ಯಮಂತ್ರಿ ಸ್ಥಾನದ ಬಗ್ಗೆ ಕಾಂಗ್ರೆಸ್ ಹೈಕಮಾಂಡ್ ನಿರ್ಧಾರ ತೆಗೆದುಕೊಳ್ಳುತ್ತದೆ. ನನ್ನ ನಿರ್ಧಾರವು 2024 ರಲ್ಲಿ ಬಿಜೆಪಿಯ ಡಾ.ಸಿ.ಎನ್. ಮಂಜುನಾಥ್ ಅವರು ಬೆಂಗಳೂರು ಗ್ರಾಮಾಂತರ ಲೋಕಸಭಾ ಕ್ಷೇತ್ರವನ್ನು ಗೆಲ್ಲಲು ಸಹಾಯ ಮಾಡಿತು. ಈಗ ಡಿಕೆ. ಶಿವಕುಮಾರ್ ಅವರ ಮುಂದಿನ ನಡೆಗಳಲ್ಲಿ ಅವರ ಪರ ನಿಲ್ಲುತ್ತೇನೆ.