ಈ ಬಗ್ಗೆ ಸ್ಪಷ್ಟನೆ ನೀಡಿರುವ ವಾಟ್ಸ್ ಆಪ್, ಜನರು ಸಂದೇಶಗಳನ್ನು ಕಳೆದುಕೊಳ್ಳುವುದನ್ನು ತಪ್ಪಿಸಲು ಉದ್ದೇಶಪೂರ್ವಕವಾಗಿ ರಚಿಸಲಾಗಿರುವ ವಿನ್ಯಾಸದ ಮೂಲಕ, ಗೂಢಲಿಪೀಕರಣ ಸಂದೇಶಗಳನ್ನು ಓದಲು ಸರ್ಕಾರದ ಸಂಸ್ಥೆಗಳು ಅಥವಾ ಇನ್ನಿತರ ಸಂಸ್ಥೆಗಳಿಗೆ ಹಿಂಬಾಗಿಲಿನ ಮೂಲಕ ಅವಕಾಶ ಮಾಡಿಕೊಡುತ್ತಿದೆ ಎಂಬ ಗಾರ್ಡಿಯನ್ ಪತ್ರಿಕೆ ವರದಿಗಳು ಸುಳ್ಳು, ಸರ್ಕಾರಿ ಅಥವಾ ಸರ್ಕಾರೇತರ ಸಂಸ್ಥೆಗಳಿಗೆ ಗೂಡಲಿಪೀಕರಣಗೊಂಡಿರುವ ಸಂದೇಶಗಳನ್ನು ಓದಲು ಅವಕಾಶ ನೀಡಲಾಗುತ್ತಿಲ್ಲ. ಎನ್ ಕ್ರಿಪ್ಷನ್ ಕುರಿತು ಈಗಾಗಲೇ ವಾಟ್ಸ್ ಆಪ್ ಶ್ವೇತ ಪತ್ರ ಹೊರಡಿಸಿದೆ. ಒಂದು ವೇಳೆ ಸರ್ಕಾರದಿಂದ ಒತ್ತಡ ಬಂದರೂ ನಾವು ಅದರ ವಿರುದ್ಧ ಹೋರಾಟ ನಡೆಸಲಿದ್ದೇವೆ ಎಂದು ವಾಟ್ಸ್ ಅಪ್ ಹೇಳಿದೆ.
